«بوس ورىندار مەن جاڭا ماماندارعا دەگەن قاجەتتىلىك جاعدايى كوڭىل قۋانتارلىقتاي ەمەس. اشىق اقپارات كوزدەرىنە سۇيەنسەك، 2022 جىلدىڭ ءبىرىنشى قاڭتارىنا سوت ماماندارىنداعى ورىننىڭ 11% بوس تۇر ... ونىڭ تورتتەن ءبىر بولىگى اۋداندىق سوت توراعاسىنىڭ لاۋازىمى»، - دەپ قر جوعارعى سوتىنىڭ اكىمشىلىك ىستەر جونىندەگى سوت القاسىنىڭ توراعاسى اسلان تۇكيەۆ – KAZGUU Law School Business Council جۇمىس بەرۋشىلەرىنىڭ جىل سايىنعى جينالىسىندا اتاپ ءوتتى.
«ءبىز ءبارىمىز سوت توراعاسىنىڭ لاۋازىمى سۇرانىسقا يە دەگەن ستەرەوتيپپەن ويلاۋعا ۇيرەنىپ قالدىق. بىراق بۇگىندە 300-گە جۋىق اۋداندىق سوتتىڭ 25% ورنى بوس تۇر... وعان قوسا، اۋداندىق سوت توراعاسى سوت جۇكتەمەسىنىڭ جۇمىستارىن ورىندايدى. سونىمەن قاتار ەۋروپادا سوت ايىنا 2 ءىستى قاراسا، بىزدە ايىنا 50-گە جۋىق ءىستى ۇجىمدىق ەمەس جەكە قارايدى. سول سەبەپتەن ءبىز جاس ماماندارعا قۇجات تاپسىرىپ، بوس ورىندارعا ورنالاسۋعا شاقىرامىز»، – دەدى اسلان تۇكيەۆ.
«استانا» حالىقارالىق قارجى ورتالىعى اق توراعاسىنىڭ ورىنباسارى نۇرجان قوسباەۆتىڭ ايتۋىنشا، زاڭگەرلەر ءۇشىن نەگىزگى قاجەتتى قۇزىرەتتەر احقو زاڭدارى، انگليا مەن ۋەلس تاجىريبەسى، قازاقستاندىق جانە اعىلشىن قۇقىعى اكتىلەرى بولۋى ءتيىس. بۇگىندە احقو-دا تىركەلگەن 1341 كومپانيا بار، - دەپ اتاپ ءوتتى.
ءوز كەزەگىندە م.نارىكباەۆ اتىنداعى كازگيۋ ۋنيۆەرسيتەتى جىل سايىن جۇمىس بەرۋشىلەردىڭ وكىلدەرىمەن كەزدەسۋدى ۇيىمداستىرا وتىرىپ، جوعارى بىلىكتى مامانداردى دايارلاۋ جونىندەگى تىلەكتەر مەن تالاپتاردى نازارعا الادى.
«ءبىز بىلىكتى زاڭگەرلەردى دايىندايمىز، بىرىنشىدەن، ستۋدەنتتەردىڭ تەك 48%-ى عانا ديپلوم مەن مەملەكەتتىك ديپلوم ساتىسىنا جەتىپ جاتادى. بۇل وقۋ جىلىنىڭ باسىنان قاتاڭ ىرىكتەۋ كريتەريلەرىن ەنگىزبەۋىمىزدىڭ، جوعارى بىلىمگە قول جەتكىزۋەگى ورىندى شەكتەمەۋىمىزدىڭ ناتيجەسى. مەكتەپتەر مەن ورتا ءبىلىم بىزگە ىرىكتەۋگە قاتاڭ قاراۋعا مۇمكىندىك بەرمەيدى، ال ءبىز ديپلومدى كىمگە بەرەمىز دەگەن ماسەلەدە ءوز قاعيدامىزدى ۇستانامىز»، – دەپ اتاپ ءوتتى ۋنيۆەرسيتەتتىڭ پروۆوستى سەرگەي پەن.
سونداي-اق، كەزدەسۋگە قر باسەكەلەستىكتى قورعاۋ جانە دامىتۋ اگەنتتىگىنىڭ، قر ادىلەت مينيسترلىگىنىڭ، «Kazakhstan Bar Association» KazBar زاڭ كونسۋلتانتتارى پالاتاسى، IP Choice, SIGNUM Law Firm جانە باسقا ۇيىمداردىڭ وكىلدەرى قاتىستى.
KLS Business Council - زاڭ سالاسىنداعى نەگىزگى جۇمىس بەرۋشىلەردىڭ وكىلدەرىمەن اشىق ديالوگتىق الاڭ، ونىڭ شەڭبەرىندە ءبىز ەلىمىز ءۇشىن ەڭ كۇردەلى پراكتيكالىق مىندەتتەردى شەشۋگە قابىلەتتى مامانداردى دايارلاۋعا باعىتتالعان ءبىلىم بەرۋ باعدارلامالارىمىزدى ودان ءارى جەتىلدىرۋ بويىنشا جۇمىس ىستەيمىز، سونداي-اق تالقىلاۋ شەڭبەرىندە جۇمىسقا ورنالاستىرۋدىڭ جانە جاڭا تۇرپاتتى جوعارى سىنىپتى جاس زاڭگەرلەردىڭ قاجەتتىلىگىن قامتاماسىز ەتۋدىڭ ءتيىمدى تەتىكتەرىن ازىرلەيمىز، جاڭا فورماتتاعى جۇمىستى بىرلەسكەن الەۋمەتتىك جانە عىلىمي جوبالاردى ىسكە اسىرامىز.
