اتىراۋ وبلىسى اكىمىنىڭ ورىنباسارى باقىتگۇل حامەنوۆا مەن وبلىستىق مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى اقىلبەك رىسقاليەۆكە قاتىستى قىلمىستىق ءىس سوتقا ءتۇستى. بۇل تۋرالى اتىراۋ وبلىستىق سوتىنىڭ ءباسپاسوز قىزمەتى مالىمدەدى، دەپ حابارلايدى «ادىرنا» ءتىلشىسى.
«قىلمىستىق ءىس 26 مامىر كۇنى اتىراۋ قالاسىنىڭ №2 سوتىنىڭ وندىرىسىنە كەلىپ ءتۇستى. ول قىلمىستىق كودەكستىڭ 366-بابى 3-بولىگى 2-تارماعى (پارا الۋ) بويىنشا سوتقا بەرىلدى»،— دەلىنگەن حابارلامادا.
ايتا كەتەيىك، شەنەۋنىكتەر شاھاردا اباي ەسكەرتكىشىن جاساۋ جانە قويۋ بويىنشا بولىنگەن قارجىنى جىمقىردى دەگەن كۇدىككە ءىلىنىپ وتىر.
«ادىرنا» ۇلتتىق پورتالى
