تەمىرتاۋدا كامەلەتكە تولماعان بالاعا سەكسۋالدىق سيپاتتاعى زورلىق-زومبىلىق كورسەتتى دەگەن كۇدىكپەن ۋاقىتشا ۇستاۋ كامەراسىندا قاماۋعا الىنعان ادام قالالىق سوت عيماراتىندا اسىلىپ قالدى. بۇل تۋرالى قاراعاندى وبلىستىق سوتىنىڭ ءباسپاسوز قىزمەتى مالىمدەدى، دەپ حابارلايدى «ادىرنا» ءتىلشىسى.
وقيعا كۇدىكتىگە قاتىستى بۇلتارتپاۋ شاراسى سانكتسيالانعاننان كەيىن بولدى. شەشىم ناقتىلانعان سوڭ 57 جاستاعى ەر ادام سوت عيماراتىنىڭ ارنايى بولمەسىندەگى كامەراعا قامالعان.
ايتا كەتەيىك، بۇل ىسكە قاتىستى قىلمىستىق كودەكستىڭ 105-بابى 1-بولىگى بويىنشا (ادامدى ءوزىن-ءوزى ولتىرۋگە دەيىن جەتكىزۋ) سوتقا دەيىنگى تەرگەۋ باستالدى.
