5 ماۋسىمداعى رەفەرەندۋم قارساڭىندا الماتىدا ۋنيۆەرسيتەت باسشىلىعى ستۋدەنتتەردى داۋىس بەرۋگە شاقىرىپ قانا قويماي، باقىلاۋشى بولۋعا ۇگىتتەپ جاتقانى جونىندە اقپارات تارادى. ولار بۇل ءۇشىن اقشا تولەنەدى دەپ سەندىرگەن، دەپ حابارلايدى «ادىرنا» ۇلتتىق پورتالى ازاتتىق راديوسىنا سىلتەمە جاساپ.
ازاتتىق رەداكتسياسىنىڭ جازۋىنشا، الماتىدا ءال-فارابي اتىنداعى قازاق ۇلتتىق ۋنيۆەرسيتەت باسشىلىعى ستۋدەنتتەردى اقشاعا باقىلاۋشى بولىپ شاقىرعان. مۇنى باقىلاۋشىلار توبىنا قوسىلعان ستۋدەنتتەر دە راستاپ وتىر. بىراق باقىلاۋشى ستۋدەنتتەرگە قانشا تولەنەتىنى ايتىلماعان.
ۋنيۆەرسيتەت وكىلى بۇل دەرەكتى راستامادى جانە تەرىستەگەن دە جوق. ازاتتىق سيۋجەتى تاراعان سوڭ، باقىلاۋشى ستۋدەنتتەر توبىنا قىسىم كورسەتىلگەن.
ودان بولەك، قازاق بريتان تەحنيكالىق ۋنيۆەرسيتەتى دە ستۋدەنتتەردى «جاتاقحانا»، باعا، ءتۇرلى قۇجاتقا قول قويمايمىز» دەپ قورقىتىپ، قاتىسۋعا مىندەتتەگەن.
سۋرەتتەر @tilkespekjoq پاراقشاسىنان الىندى
بىراق كەيىن رەفەرەندۋمعا قاتىستى اكىمشىلىك ۇندەۋ جاسادى.
«داۋىس بەرۋ – اركىمنىڭ جەكە تاڭداۋى، ماجبۇرلەۋگە جول بەرىلمەيدى» دەلىنگەن حابارلامادا.
"ادىرنا" ۇلتتىق پورتالى
