5 مامىر كۇنى قانىش ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىندە روك-فەستيۆال ءوتتى. ونداعى ستۋدەنتتەردىڭ ەرسى ساحنالىق ءرولى الەۋمەتتىك جەلىگە تاراپ، كوپشىلىكتىڭ اشۋىن تۋعىزدى، دەپ حابارلايدى “ادىرنا” ۇلتتىق پورتالى.
“مۇنداي جوبالار جاستارعا اۋاداي قاجەتتى بولعانى ما؟ اركىمنىڭ ءوز تاڭداۋى دەپ قويا سالۋعا بولار ەدى. بىراق ءبىز مەكتەپ پەن جوو-نا ورامال كيگىزبەيتىنىمىزدى ەستەن شىعارمايىق. سوندا قايداعى تاڭداۋ، زايىرلىلىق دەگەنىمىز وسى ما؟!”،- دەپ جاريالادى بەلگىلى جۋرناليست ەرقانات كوپجاسار ءوزىنىڭ Instagram پاراقشاسىنا.
سونىمەن قاتار، جۋرنايست ارمان قۇدايبەرگەن دە پاراقشاسىنا جاريالاپ، شارا قولدانۋ كەرەگىن ەسكەرتتى.
“ جۇرەگىم اۋىرىپ تۇر! ءدال مىنا ۆيدەو بۇگىن ق.ساتپاەۆ اتىنداعى قازاق ۇلتتىق ۋنيۆەرسيتەتىندە تۇسىرىلگەن. ءبىز مىنا جاقتا «ۇلتتى قايتسەك تەرىس قۇندىلىقتان قۇتقارامىز» دەپ ءتۇن ۇيقىمىزدى ءتورت ءبولىپ جۇرگەندە، مىسىقتىلەۋ توپتىڭ سىيقى مىناۋ.«ۇلتتىق» اتاۋىن ارقالاعان وقۋ ورنىنىنىڭ باسشىلىعى بىلدەي ءبىر ۇلتتى باتىستىڭ تابانىنا سالىپ بەرىپ وتىر. الاتاۋدىڭ قاق تورىندە قوس ەتەك كويلەك كيگەن سايقىمازاقتى ساحناعا شىعارىپ دارىپتەپ، وزدەرى سوعان ءماز بولىپ جاتقانىن قالاي تۇسىنۋگە بولادى؟ بايقاماي دەيىن دەسەڭ، كوزى اشىق بىلدەي عالىمدار عوي. سوندا ادەيى بولعانى ما؟ وندا ۇلتقا قيانات جاساعانداردى نەگە تورگە وزدىرىپ وتىرمىز؟!
ۇلتقا جانى اشيتىن جاقسىلاردى بەلگىلەيىك. قوعام تالقىسىنا سالىپ، مۇنداي باسسىزدىقتىڭ ەندى قايتالانباۋى ءۇشىن ءبىر شارا قولدانايىق!”،- دەدى ول.
”ادىرنا” ۇلتتىق پورتالى
