ۇبت-نىڭ العاشقى اپتاسىندا 22 تالاپكەر تەستىلەۋگە كىرەر كەزدە، ال 21 تالاپكەر تەستىلەۋ بارىسىندا تىيىم سالىنعان زاتتاردى قولدانعان. بۇل تۋرالى ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ Instagram-پاراقشاسىندا ايتتى، دەپ حابارلايدى “ادىرنا” ۇلتتىق پورتالى.
"ۇيالى تەلەفون، جاسىرىن كامەرا، ميكروقۇلاققاپتار، قاعاز شپارگالكا - بۇل ۇبت-نى وڭاي تاپسىرعىسى كەلەتىن تالاپكەرلەردىڭ ءجيى پايدالاناتىن قۇرالدارى. بيىل 18-رەت ءوتىپ جاتقان ۇبت-نىڭ العاشقى اپتاسىندا 22 تالاپكەر تەستىلەۋگە كىرگىزۋ كەزىندە، ال 21 تالاپكەر تەستىلەۋ بارىسىندا تىيىم سالىنعان زاتتاردى قولدانۋعا تىرىسقانى ءۇشىن تەست تاپسىرۋ مۇمكىندىگىنەن ايىرىلدى", - دەدى ۇتو ديرەكتورى.
سونىمەن قاتار، ول كەيىنگى اپتادا تالاپكەرلەر قانداي تىيىم سالىنعان زاتتار قولدانعانىن ايتىپ بەردى.
"تاپقىر تەستىلەنۋشىمىز وزىمەن بىرگە كىرگىزگەن دارۋمەننىڭ سىرتىنا تەست سۇراقتارىن جازىپ، اۋديتوريادان شىعارۋعا تالپىنعان. ونىڭ بۇل ارەكەتى ءبىزدىڭ قىراعى باقىلاۋشىلاردىڭ ارقاسىندا جۇزەگە اسپادى. سەبەبى تەستىلەۋدىڭ بارلىق پروتسەسى ولاردىڭ تولىق نازارىندا. سوندىقتان تەست تاپسىرماسىن نە ولاردىڭ ءۇزىندىسىن اۋديتوريادان شىعارامىن دەپ ۇمىتتەنبەڭىز. ەڭبەك ارقاشان اقتالادى. ۇبت-عا جاقسىلاپ دايىندالىپ، تەك ءوز بىلىمىڭىزگە سەنسەڭىز، ءسىزدى بولاشاق جارقىن ومىرىڭىزدە جاقسى ماراپات كۇتەتىن بولادى. سەبەبى ءبىلىم - ەڭ ماڭىزدى اسپاپ", - دەپ تۇيىندەدى رۋسلان ەمەلباەۆ.
”ادىرنا” ۇلتتىق پورتالى
