ورالدىق تۇرعىنداردىڭ قانتقا تالاسقان ۆيدەوسى الەۋمەتتىك جەلىدە رەزونانس تۋدىردى، دەپ حابارلايدى “ادىرنا” ۇلتتىق پورتالى.
بۇعان دەيىن "ۋرالسكايا نەدەليا" باسىلىمى قانتتى ءۇي ماڭىنداعى دۇكەندەردەن تابۋ قيىن ەكەنىن، ال ءىرى ساۋدا جەلىلەرىندە قىمبات باعامەن – كەلىسى 700 تەڭگەگە دەيىن ساتىلىپ جاتقانىن حابارلاعان بولاتىن.
"التىن الما" بازارىنىڭ اكىمشىسى ناتاليا گريگورەۆانىڭ ايتۋىنشا، قانت مۇلدە بولماعاندىقتان بازاردا دۇربەلەڭ جوق.
"قانت ناۋرىز ايىندا جوعالىپ كەتتى، سەبەبى رەسەيدەن ەكسپورت جابىلدى، كاسىپكەرلەر زارداپ شەكتى، ونى ەش جەردەن الا المادىق. قازىر قانتتى تەك اقسۋ مەن تارازداعى قانت وڭدەۋ زاۋىتتارىنان الامىز، ولار زاۋىتتان ساتۋ باعاسىن 450 تەڭگە كولەمىندە بەلگىلەدى. وعان كوتەرمە باعامەن ساتۋشىلاردىڭ قانتتى ۆاگونمەن جەتكىزۋ قۇنى، ساۋدا ۇستەمەسى قوسىلادى. قازىر وسى ەكى زاۋىت قازاقستاننىڭ بۇكىل اۋماعىنا قىزمەت كورسەتەتىندىكتەن تاپشىلىق ۇلعايىپ جاتىر، جۇك جونەلتۋ كەزەگى قازىرگى ۋاقىتتا 100 ۆاگوننان اسادى. كىم ءبىرىنشى تولەسە، سول ءبىرىنشى بولىپ الادى، ورتاشا كۇتۋ ۋاقىتى – 1,5 اي", - دەيدى "شانس" جشس كوتەرمە ساۋدا بازاسىنىڭ كوممەرتسيالىق ديرەكتورى ليمار سايفۋللين.
“ادىرنا” ۇلتتىق پورتالى
