Oraldyq tūrǧyndardyŋ qantqa talasqan videosy äleumettık jelıde rezonans tudyrdy, dep habarlaidy “Adyrna” ūlttyq portaly.
Būǧan deiın "Uralskaia nedelia" basylymy qantty üi maŋyndaǧy dükenderden tabu qiyn ekenın, al ırı sauda jelılerınde qymbat baǧamen – kelısı 700 teŋgege deiın satylyp jatqanyn habarlaǧan bolatyn."Altyn alma" bazarynyŋ äkımşısı Natalia Grigorevanyŋ aituynşa, qant mülde bolmaǧandyqtan bazarda dürbeleŋ joq.
"Qant nauryz aiynda joǧalyp kettı, sebebı Reseiden eksport jabyldy, käsıpkerler zardap şektı, ony eş jerden ala almadyq. Qazır qantty tek Aqsu men Tarazdaǧy qant öŋdeu zauyttarynan alamyz, olar zauyttan satu baǧasyn 450 teŋge kölemınde belgıledı. Oǧan köterme baǧamen satuşylardyŋ qantty vagonmen jetkızu qūny, sauda üstemesı qosylady. Qazır osy ekı zauyt Qazaqstannyŋ bükıl aumaǧyna qyzmet körsetetındıkten tapşylyq ūlǧaiyp jatyr, jük jöneltu kezegı qazırgı uaqytta 100 vagonnan asady. Kım bırınşı tölese, sol bırınşı bolyp alady, ortaşa kütu uaqyty – 1,5 ai", - deidı "Şans" JŞS köterme sauda bazasynyŋ kommersiialyq direktory Limar Saifullin.
“Adyrna” ūlttyq portaly
