«تاۋەلسىزدىككە 30 جىل» باننەرى ەلوردانىڭ ەكى تۇرعىنىنىڭ ۇستىنە قۇلادى. وقيعا بەيبىتشىلىك جانە كەلىسىم سارايىنىڭ ماڭىندا بولعانىن Qumash Telegram ارناسى جازدى، دەپ حابارلايدى “ادىرنا” ۇلتتىق پورتالى
«بىزگە وقيعا كۋاگەرى مەن جابىرلەنۋشىنىڭ تۋىسى قوندىرعىنى جەل ۇشىرىپ كەتكەنىن ايتتى. ول ورناتىلعان جەردەن 10-15 مەتر جەرگە ۇشىپ كەتكەن. سونداي-اق، ونىڭ ايتۋىنشا، بۇل قوندىرعى ەشقايدا بەكىتىلمەگەن جانە تەك ءوز سالماعىندا ساقتالعان» دەلىنگەن حابارلامادا.
سونداي-اق، 33 جاستاعى جابىرلەنۋشىنىڭ كوپتەگەن سىنىقتارى بار ەكەنى كورسەتىلگەن. تۇندە وعان وتا جاسالىپ، جانساقتاۋ بولىمىنەن پوليتراۆماتولوگيا بولىمىنە اۋىستىرىلدى.
نۇر-سۇلتان قالالىق دەنساۋلىق ساقتاۋ باسقارماسىنىڭ ءباسپاسوز قىزمەتى بەيبىتشىلىك جانە كەلىسىم سارايىنىڭ جانىنداعى عيماراتتىڭ قۇلاۋى تۋرالى مالىمەتتەردى حابارلادى.
زارداپ شەككەن ءبىر ەرەسەك ادام مەن ءبىر بالا ءارتۇرلى جاراقاتتار الىپ، دەنەلەرى كوگەرگەن. ولار تولىق ساراپتامادان ءوتۋ ءۇشىن كوپسالالى قالالىق اۋرۋحانالارعا جەتكىزىلدى. جەدەل جاردەم دەڭگەيىندە ولارعا اۋرۋحانالاردىڭ ارنايى ماماندارى بارلىق قاجەتتى مەديتسينالىق كومەك كورسەتتى.
«ايەل ءتۇرلى جاراقاتتار مەن كوگەرۋلەرمەن اۋرۋحاناعا جاتقىزىلدى. ايەلدىڭ جاعدايى تۇراقتى، ناۋقاس تولىق ايىققانشا ستاتسيوناردا بولىپ، ەم الادى. تاعى ءبىر جابىرلەنۋشى ءجاسوسپىرىمدى ماماندار تەكسەردى. قاراۋ كەزىندە ناۋقاستىڭ جاعدايى ورتاشا، اسقىنۋسىز. دارىگەرلەر ونى تولىق تەكسەرۋدەن وتكىزدى، سودان كەيىن ناۋقاس امبۋلاتورلىق ەمدەلۋگە جىبەرىلدى»، - دەپ ءتۇسىندىردى دەنساۋلىق ساقتاۋ باسقارماسى.
“ادىرنا” ۇلتتىق پورتالى
