اۋىل شارۋاشىلىعى باسقارماسىنىڭ قىزمەتكەرلەرى 50 ملن تەڭگە ۇرلادى دەگەن كۇدىككە ءىلىندى، دەپ حابارلايدى «ادىرنا» ءتىلشىسى.
«الماتى وبلىسىنىڭ انتيكوررۋپتسيالىق قىزمەتى قر قك 189-باپتىڭ 4-بولىگى 2-تارماعى بويىنشا «الماتى وبلىسىنىڭ اۋىل شارۋاشىلىعى باسقارماسى» مم ەكس-باسشىسىمەن لاۋازىمدى تۇلعالارعا قاتىستى قارجى ينستيتۋتىنىڭ باسشىسىمەن الدىن الا ءسوز بايلاسۋ ارقىلى «قازاقستان رەسپۋبليكاسىنىڭ اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان» مەملەكەتتىك باعدارلاماسى اياسىندا اگروونەركاسىپتىك كەشەن سۋبەكتىلەرى شەككەن شىعىستاردىڭ ءبىر بولىگىن وتەۋ بويىنشا سۋبسيديالاۋعا بولىنگەن اۋىل شارۋاشىلىعى جابدىقتارىن جوعارى قۇنى بويىنشا جەتكىزۋ ارقىلى 50 000 000 تەڭگە سوماسىندا بيۋدجەت قاراجاتىن جىمقىرۋ دەرەگى بويىنشا سوتقا دەيىنگى تەرگەۋدى تىركەدى»،— دەلىنگەن حابارلامادا.
تەرگەۋ جالعاسۋدا. وزگە اقپارات تەرگەۋ مۇددەسىندە جاريا ەتۋگە جاتپايدى.
