ۋتيليزاتسيالىق الىمدى ارتىق تولەگەندەردىڭ قاراجاتى 25 مامىردان باستاپ قايتارىلادى، دەپ حابارلايدى "ادىرنا" ۇلتتىق پورتالى.
بۇل تۋرالى t.me/ulys1 تەلەگرامم كانالى جازدى.
"جاسىل دامۋ" اق ءباسپاسوز قىزمەتى تەحنيكالىق جۇمىستاردىڭ اياقتالعانىن حابارلايدى. جەكە كابينەتكە كىرۋ 25 مامىردان باستاپ اشىق بولادى."14 مامىردان كەيىن (قوسا العاندا) ەسكى مولشەرلەمەلەر بويىنشا ءوتىنىم بەرگەن جەكە جانە زاڭدى تۇلعالار كادەگە جاراتۋ الىمىنا ارتىق تولەنگەن سومانى قايتارىپ الا الادى. ول ءۇشىن E-otinish ەلەكتروندىق پلاتفورماسى ارقىلى ەلەكتروندىق-تسيفرلىق قولتاڭبامەن قول قويا وتىرىپ، ءوتىنىش بەرۋ قاجەت. وتىنىشتە تولەم تاپسىرماسىن قوسا بەرە وتىرىپ، قايتارۋدى جۇزەگە اسىرۋ ءۇشىن ءوتىنىمنىڭ ءنومىرىن، شوتتىڭ دەرەكتەمەلەرىن كورسەتۋ قاجەت"- دەلىنگەن حابارلامادا. بۇعان دەيىن ۇكىمەت شەتەلدەن كىرگىزىلەتىن كولىك قۇرالدارى ءۇشىن ۋتيليزاتسيالىق الىم مولشەرىن 50 پايىزعا دەيىن تومەندەتۋ تۋرالى شەشىم قابىلداعان بولاتىن. اتاپ ايتقاندا، جەڭىل جانە جۇك كولىكتەر مەن اۋىلشارۋاشىلىق تەحنيكاسى ءۇشىن كادەگە ۋتيليزاتسيالىق الىمنىڭ بازالىق مولشەرلەمەسى 50 ايلىق ەسەپتىك كورسەتكىشتەن 25 اەك-كە دەيىن قىسقارتىلدى.
"ادىرنا" ۇلتتىق پورتالى
