قر پارلامەنتى ءماجىلىسىنىڭ دەپۋتاتتارى قارجى نارىعى مەن قارجى ۇيىمدارىن مەملەكەتتىك رەتتەۋدى، باقىلاۋ مەن قاداعالاۋدى كۇشەيتۋ، سونداي-اق قارجى پيراميدالارىنىڭ قىزمەتىنە قارسى ءىس-قيمىل تۋرالى زاڭ جوباسىن ماقۇلدادى، دەپ حابارلايدى "ادىرنا" ۇلتتىق پورتالى "Zakon.kz"-كە سىلتەمە جاساپ.
سونداي-اق، دەپۋتاتتار «قر اكىمشىلىك قۇقىق بۇزۋشىلىق تۋرالى كودەكسىنە قارجىلىق (ينۆەستيتسيالىق) پيراميدالاردىڭ قىزمەتىنە قارسى ءىس-قيمىل ماسەلەلەرى بويىنشا تولىقتىرۋلار ەنگىزۋ تۋرالى» ىلەسپە زاڭ جوباسىن ازىرلەۋگە كىرىسەدى.
ءماجىلىستىڭ قارجى جانە بيۋدجەت كوميتەتىنىڭ توراعاسى مارات قۇسايىنوۆتىڭ ايتۋىنشا، زاڭ جوبالارىن قر پارلامەنتى دەپۋتاتتارى مەملەكەت باسشىسىنىڭ قارجىلىق پيراميدالارعا قارسى ءىس-قيمىل جونىندەگى تاپسىرماسىن جۇزەگە اسىرۋ ماقساتىندا ازىرلەگەن.
"زاڭ جوبالارىنىڭ نەگىزگى ماقساتتارى – ازاماتتاردىڭ مۇلكىنىڭ قاۋىپسىزدىگىن ارتتىرۋ جانە قارجىلىق پيراميدانىڭ قىزمەتىن ونىڭ باستاپقى كەزەڭىندە توقتاتۋ. قارجى جانە بيۋدجەت كوميتەتى 16 قاراشاعا دەيىن زاڭ جوباسى بويىنشا قورىتىندى ازىرلەۋگە دايىن", — دەدى ءماجىلىس دەپۋتاتى مارات قۇسايىنوۆ.
"ادىرنا" ۇلتتىق پورتالى
