تارازدا شەنەۋلىك مەملەكەتكە تيەسىلى نىسانداردى تۋىستارىنا اۋدارعان

483
فوتو: اشىق دەرەككوز
فوتو: اشىق دەرەككوز

تارازدا مەملەكەتتىك قىزمەتكەر ءوزىنىڭ تۋىستارىنا مەملەكەتكە تيەسىلى جالپى قۇنى 300 ميلليون تەڭگەنى قۇرايتىن بەس نىساندى زاڭسىز اۋدارعان. مۇنداي الاياقتىقتى "كوممۋنالدىق مەنشىك وبەكتىلەرىن جالعا بەرۋ ورتالىعىنىڭ" بۇرىنعى ديرەكتورى جاساعان، دەپ حابارلايدى "ادىرنا" ۇلتتىق پورتالى "حابار 24" ارناسىنا سىلتەمە جاساپ. 

ءوزىنىڭ قىزمەتتىك مانسابىن پايدالانىپ، كاسىپكەر شەنەۋنىك ءتورت عيمارات پەن ءبىر جەر ۋچاسكەسىن وتەۋسىز بەرۋ تۋرالى زاڭسىز بۇيرىقتار شىعاردى. كەيىننەن مەملەكەتتىك قىزمەتكەر مۇلىكتى ءوز اتىنا تىركەپ، بەس نىساننىڭ ەكەۋىن ساتىپ، ال قالعاندارىن ينتەرنەت ارقىلى ساتۋعا قويعان.

وبلىستىق مامانداندىرىلعان اۋدانارالىق ەكونوميكالىق سوت مامىلەلەردى جارامسىز دەپ تاۋىپ، عيماراتتار مەن جەر ۋچاسكەسى مەملەكەتكە قايتارىلدى.

بۇرىنعى مەملەكەتتىك قىزمەتكەر توعىز جىلعا سوتتالدى جانە مەملەكەتتىك ورگانداردا باسشىلىق لاۋازىمداردى اتقارۋ قۇقىعىنان ايىردى.

"تاراز قالاسىنىڭ № 2 سوتىنىڭ ۇكىمىمەن باقتىباەۆ 189-باپ، 4-ءبولىم، 2-تارماق بويىنشا كىنالى دەپ تانىلىپ، توعىز جىلعا باس بوستاندىعىنان ايىرىلدى. سوت ۇكىمى قازىرگى ۋاقىتتا زاڭدى كۇشىنە ەنگەن جوق", – دەدى جامبىل وبلىسى پروكۋرورىنىڭ اعا كومەكشىسى سەرجان ابدىقۇلوۆ.

 

 

 "ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket