Tarazda memlekettık qyzmetker özınıŋ tuystaryna memleketke tiesılı jalpy qūny 300 million teŋgenı qūraityn bes nysandy zaŋsyz audarǧan. Mūndai alaiaqtyqty "Kommunaldyq menşık obektılerın jalǧa beru ortalyǧynyŋ" būrynǧy direktory jasaǧan, dep habarlaidy "Adyrna" ūlttyq portaly "Habar 24" arnasyna sılteme jasap.
Özınıŋ qyzmettık mansabyn paidalanyp, käsıpker şeneunık tört ǧimarat pen bır jer uchaskesın öteusız beru turaly zaŋsyz būiryqtar şyǧardy. Keiınnen memlekettık qyzmetker mülıktı öz atyna tırkep, bes nysannyŋ ekeuın satyp, al qalǧandaryn internet arqyly satuǧa qoiǧan.Oblystyq mamandandyrylǧan audanaralyq ekonomikalyq sot mämılelerdı jaramsyz dep tauyp, ǧimarattar men jer uchaskesı memleketke qaitaryldy.
Būrynǧy memlekettık qyzmetker toǧyz jylǧa sottaldy jäne memlekettık organdarda basşylyq lauazymdardy atqaru qūqyǧynan aiyrdy."Taraz qalasynyŋ № 2 sotynyŋ ükımımen Baqtybaev 189-bap, 4-bölım, 2-tarmaq boiynşa kınälı dep tanylyp, toǧyz jylǧa bas bostandyǧynan aiyryldy. Sot ükımı qazırgı uaqytta zaŋdy küşıne engen joq", – dedı Jambyl oblysy prokurorynyŋ aǧa kömekşısı Serjan Äbdıqūlov.
"Adyrna" ūlttyq portaly
