جەڭىلدەتىلگەن اۆتونەسيە بويىنشا ءبىر اپتادا 34 ادام كولىك الدى، - دەپ حابارلايدى “ادىرنا” ۇلتتىق پورتالى.
“استانا” تەلەارناسىنىڭ مالىمەتىنشە، ءبىر اپتادا 14 مىڭنان استام ءوتىنىش ءتۇسىپ، سونىڭ 5 مىڭعا جۋىعىن بانك ماقۇلداعان. قازىر اۆتوسالونداردا 8 مىڭ كولىك بار.
ماۋسىم ايىنىڭ اياعىندا ونىڭ سانى ەكى ەسە ارتادى دەپ جوسپارلانىپ وتىر. اۆتونەسيەلەۋ باعدارلاماسىمەن 5 برەندتىڭ كولىكتەرىن الۋعا بولادى. 32 مودەل بويىنشا تاڭداۋ جاساۋعا مۇمكىندىك قاراستىرىلعان.
"الەۋمەتتىك تۇرعىدا دا، ەكونوميكالىق تۇرعىدا دا ىڭعايلى نارسە بولسا ءبارى سونى العىسى كەلەدى. سوندىقتان كوپشىلىك 100 ميلليارد ءبولىندى، ون ميلليوننان ساناساق، ون-اق مىڭ ادام ماشينا الادى، قالعاندارى قالدى دەپ ويلايدى. بۇل ارادا رەۆولۆەرلىك قاعيدات بار. بۇل اقشا 30 جىل اينالاتىن بولادى", - دەدى "ونەركاسىپتى دامىتۋ قورى" اق باسقارۋشى ديرەكتورى عالىمجان ءادي.
“ادىرنا” ۇلتتىق پورتالى
