ەلوردادا باسپانا قىمباتتايدى. بۇعان قالانىڭ ساۋلەتتىك كەلبەتىن جانە قالا قۇرىلىسىن قالىپتاستىرۋ ەرەجەلەرىنىڭ جوباسى سەبەپ بولۋى مۇمكىن، دەپ حابارلايدى "ادىرنا" ۇلتتىق پورتالى "orda.kz"-كە سىلتەمە جاساپ.
قازاقستان قۇرىلىس سالۋشىلار قاۋىمداستىعى نۇر-سۇلتاندى دامىتۋدىڭ جاڭا ەرەجەلەرىن سىنعا الدى. ولار بۇل ەرەجە قابىلدانعاننان كەيىن ەلورداداعى پاتەرلەردىڭ باعاسى ەكى ەسەگە ءوسىپ، 9 مىڭنان استام قۇرىلىس كومپانياسى بانكروت بولۋدى كۇتىپ وتىر دەپ ەسەپتەيدى.
"قۇرىلىس سالۋشىلار ءۇشىن بارلىق دەرلىك قۇرىلىس جوبالارى بويىنشا قوعامدىق تالقىلاۋلار وتكىزۋ مىندەتىن ەنگىزەدى، بۇل قۇرىلىس سالۋشىلار مەن ازاماتتىق قوعام اراسىنداعى تىكەلەي مۇددەلەر قاقتىعىسىنا اكەلەدى. بيزنەستىڭ پىكىرىنشە، قوعامدىق تىڭداۋلار تەك قالا قۇرىلىسىنىڭ باس جوسپارى بويىنشا ءوتۋى كەرەك. قالا اكىمدىگى باس جوسپاردى قالىپتاستىرعان كەزدە قوعامدىق تالقىلاۋ جاۋاپكەرشىلىگىن بيزنەسكە جۇكتەمەي، ءوزىنىڭ قوعامدىق تالقىلاۋى اياسىندا بيزنەستىڭ عانا ەمەس، ازاماتتاردىڭ دا مۇددەسىن ەسكەرۋى قاجەت", — دەيدى قازاقستان قۇرىلىس سالۋشىلار قاۋىمداستىعى وكىلدەرى.
قاۋىمداستىق ەرەجەلەردى قابىلداۋدىڭ سالدارىنان 64 مىڭ قۇرىلىسشى جۇمىسسىز قالۋى، تۇرعىن ءۇي تاپشىلىعى بولۋى مۇمكىن، سونداي-اق ينۆەستورلار سانى ازايادى.
"ادىرنا" ۇلتتىق پورتالى.
