Elordada baspana qymbattaidy. Būǧan qalanyŋ säulettık kelbetın jäne qala qūrylysyn qalyptastyru erejelerınıŋ jobasy sebep boluy mümkın, dep habarlaidy "Adyrna" ūlttyq portaly "orda.kz"-ke sılteme jasap.
Qazaqstan qūrylys saluşylar qauymdastyǧy Nūr-Sūltandy damytudyŋ jaŋa erejelerın synǧa aldy. Olar būl ereje qabyldanǧannan keiın elordadaǧy päterlerdıŋ baǧasy ekı esege ösıp, 9 myŋnan astam qūrylys kompaniiasy bankrot boludy kütıp otyr dep esepteidı.
"Qūrylys saluşylar üşın barlyq derlık qūrylys jobalary boiynşa qoǧamdyq talqylaular ötkızu mındetın engızedı, būl qūrylys saluşylar men azamattyq qoǧam arasyndaǧy tıkelei müddeler qaqtyǧysyna äkeledı. Biznestıŋ pıkırınşe, qoǧamdyq tyŋdaular tek qala qūrylysynyŋ bas jospary boiynşa ötuı kerek. Qala äkımdıgı bas jospardy qalyptastyrǧan kezde qoǧamdyq talqylau jauapkerşılıgın bizneske jüktemei, özınıŋ qoǧamdyq talqylauy aiasynda biznestıŋ ǧana emes, azamattardyŋ da müddesın eskeruı qajet", — deidı Qazaqstan qūrylys saluşylar qauymdastyǧy ökılderı.Qauymdastyq erejelerdı qabyldaudyŋ saldarynan 64 myŋ qūrylysşy jūmyssyz qaluy, tūrǧyn üi tapşylyǧy boluy mümkın, sondai-aq investorlar sany azaiady.
"Adyrna" ūlttyq portaly.
