ۇلىبريتانياداعى ليۆەرپۋل قالاسىنىڭ تۇرعىنى 2020 جىلى مەرت بولعان كۇيەۋىنەن بالا كوتەردى. 33 جاستاعى لورەن ماكگرەگوردىڭ سوزىنشە، 2013 جىلى كۇيەۋىنىڭ ميىندا ىسىك بار ەكەنى انىقتالعان، دەپ حابارلايدى "ادىرنا" ۇلتتىق پورتالى "Stan.kz"-كە سىلتەمە جاساپ.
"Metro" باسىلىمى جازعانداي، ەر ادام قوڭىراۋ شالعىسى كەلگەن، الايدا جارى لورەننىڭ ەسىمىن ەسىنە تۇسىرە الماي قويعان. وسى جاعدايدان كەيىن كريس دارىگەرگە قارالىپ، ميىندا ىسىك بار ەكەنىن بىلگەن.
كريسكە وتا جاسالىپ، ەندى تۇزىلە باستاعان ىسىكتىڭ 95%-ىن الىپ تاستاعان. بىراق دەرت 2016 جانە 2019 جىلدارى قايتا ءبىلىنىپ، دارىگەر كوروناۆيرۋس پاندەمياسى باستالعان سوڭ يممۋنيتەتتى السىرەتىپ الماۋ ءۇشىن حيميوتەراپيانى توقتاتۋعا كەڭەس بەرگەن. 2020 جىلى ىسىك ۇلكەيىپ، كريس قايتىس بولعان.
قايتىس بولار الدىندا لورەن جۇكتى بولا الۋى ءۇشىن كۇيەۋىنىڭ ۇرىعىن قاتىرىپ قويعان. كۇيەۋى ومىردەن وتكەن سوڭ 9 ايدان كەيىن ايەل ەكو جاساتىپ، 2021 جىلى پروتسەدۋرا ءساتتى وتكەن.
قازىر ايەل جۇكتى جانە كەلەشەكتە وسى ادىسپەن تاعى دا بالالى بولۋ ويدا بار ەكەنىن جاسىرمايدى. سوزىنشە، كۇيەۋى كريس ەكەۋى بالالى بولۋدى اڭساعان.
"ادىرنا" ۇلتتىق پورتالى.
