الماتى سپورت باسقارماسىنىڭ باسشىسى رۇستەم بايسەيىتوۆ قاڭتار وقيعاسى كەزىندە العان جاراقاتىنا بايلانىستى قىزمەتتەن كەتەتىنىن مالىمدەدى، دەپ حابارلايدى "ادىرنا" ۇلتتىق پورتالى.
بۇل تۋرالى t.me/zakonkz تەلەگرام كانالى جازدى.
"مەن قاڭتار وقيعاسىندا وق جاراقاتىن العان ساتتەن باستاپ جەتكىلىكتى ۋاقىت ءوتتى، بىراق جاراقات ءالى دە الاڭداتىپ ءجۇر. جۇمىس ىستەۋ قابىلەتىم قالىپقا كەلمەدى. قولىمنىڭ قوزعالىس بەلسەندىلىگىن قالپىنا كەلتىرۋ مەن وڭالتۋدىڭ تولىققاندى كۋرسىنان ءوتۋ قاجەت بولعاندىقتان، الماتى سپورت باسقارماسىنىڭ باسشىسى لاۋازىمىنان كەتىپ، ءوز دەنساۋلىعىممەن اينالىسۋدى دۇرىس دەپ شەشتىم", — دەپ جازدى باسقارما باسشىسى ينستاگرام پاراقشاسىندا.
ەسكە سالايىق، 6 قاڭتاردا الماتى اكىمى باقىتجان ساعىنتاەۆتىڭ كورتەجى قالا اكىمدىگىنە قاراي بەتتەپ بارا جاتقانىندا، وعان وق جاۋدىرعان بولاتىن. سول كەزدە سپورت باسقارماسىنىڭ باسشىسى رۇستەم بايسەيىتوۆ پەن ءدىن ىستەرى باسقارماسىنىڭ باسشىسى نۇرلان قيكىموۆ زارداپ شەككەن ەدى.
"ادىرنا" ۇلتتىق پورتالى.
