Almaty sport basqarmasynyń basshysy Rústem Baıseıitov qańtar oqıǵasy kezinde alǵan jaraqatyna baılanysty qyzmetten ketetinin málimdedi, dep habarlaıdy "Adyrna" ulttyq portaly.
Bul týraly t.me/zakonkz telegram kanaly jazdy.
"Men qańtar oqıǵasynda oq jaraqatyn alǵan sátten bastap jetkilikti ýaqyt ótti, biraq jaraqat áli de alańdatyp júr. Jumys isteý qabiletim qalypqa kelmedi. Qolymnyń qozǵalys belsendiligin qalpyna keltirý men ońaltýdyń tolyqqandy kýrsynan ótý qajet bolǵandyqtan, Almaty sport basqarmasynyń basshysy laýazymynan ketip, óz densaýlyǵymmen aınalysýdy durys dep sheshtim", — dep jazdy basqarma basshysy ınstagram paraqshasynda.
Eske salaıyq, 6 qańtarda Almaty ákimi Baqytjan Saǵyntaevtyń korteji qala ákimdigine qaraı bettep bara jatqanynda, oǵan oq jaýdyrǵan bolatyn. Sol kezde sport basqarmasynyń basshysy Rústem Baıseıitov pen Din isteri basqarmasynyń basshysy Nurlan Qıkimov zardap shekken edi.
"Adyrna" ulttyq portaly.
