تۇركىستان وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىندا كىسى ءولتىرۋ فاكتىسى بويىنشا قىلمىستىق ءىس قارالدى. ءىس بارىسىندا كۇدىكتىنىڭ تانىسىن قالاي بالتالاپ ولتىرگەنى ايتىلدى. بۇل تۋرالى "ادىرنا" ۇلتتىق پورتالى Stan.kz اقپارات اگەنتتىگىنە سىلتەمە كورسەتە وتىرىپ حابارلايدى.
وقيعا بيىلعى جىلدىڭ ناۋرىز ايىندا بولعان. ىشىمدىك ىشكەن ەكى تۇرعىننىڭ ءىس-ارەكەتى ادام ولىمىمەن اياقتالدى.
كۇدىكتى ۇيىقتاپ جاتقاندا بالتا ۇستاپ كەلگەن جابىرلەنۋشى ونى سوققىعا جىعىپ، بالتانىڭ اعاش سابىمەن قىلقىندىرعان.
سودان كۇدىكتى قولىنا ىلىنگەن قايشىنى جابىرلەنۋشىنىڭ قولىنا سۇعىپ، بالتانى كۇشتەپ تارتىپ العان.
قارسىلاسىنىڭ باس تۇسىنان بالتانىڭ جۇزىمەن بىرنەشە رەت سوققى جاسايدى. اۋىر دارەجەلى دەنە جاراقاتىنان جابىرلەنۋشى سول جەردە مەرت بولعان.
"سوتتالۋشى كىناسىن تولىق مويىندادى. سوت ۇكىمىمەن سوتتالۋشىعا قر قك 99 بابى 1-بولىگىمەن 9 جىلعا باس بوستاندىعىنان ايىرۋ جازاسى تاعايىندالدى. قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەۋ بەلگىلەگەن. ۇكىم زاڭدى كۇشىنە ەنگەن جوق" - دەلىنگەن تۇركىستان وبلىستىق سوتىنىڭ ءباسپاسوز قىزمەتى تاراتقان اقپاراتتا.
"ادىرنا" ۇلتتىق پورتالى
