توقاەۆ: "الاياقتارمەن، افەريستەرمەن كۇرەسۋ كەرەك"

616
فوتو: minber.kz
فوتو: minber.kz

مەملەكەت باسشىسى قاسىم-جومارت توقاەۆ الاياقتارمەن كۇرەسۋ كەرەكتىگىن ايتتى، دەپ حابارلايدى "ادىرنا" ۇلتتىق پورتالى اقورداعا سىلتەمە جاساپ.

بۇل تۋرالى پرەزيدەنت قازاقستاندىق بيزنەس وكىلدەرىمەن كەزدەسۋدە ايتتى.

— 2019 جىلى ءوز جولداۋىمدا بيزنەستىڭ جۇمىسىنا زاڭسىز كەدەرگى كەلتىرۋ مەملەكەت مۇددەسىنە قارسى باعىتتالعان قىلمىس رەتىندە قارالۋعا ءتيىس دەپ ايتقان بولاتىنمىن. بۇل — باس پروكۋراتۋرانىڭ جۇمىسى. الاياقتارمەن كۇرەسۋ كەرەك، تاعى ايتايىن، الاياقتارمەن، افەريستەرمەن. بىراق ارتىق قىلامىز دەپ تىرتىق قىلماۋىمىز كەرەك، - دەدى توقاەۆ.

سونداي-اق مەملەكەت باسشىسى جيىنعا كەلگەن كاسىپكەرلەرگە بىلاي دەپ ءۇن قاتتى:

"وتكەن كەزدەسۋدە جاڭا ەكونوميكالىق ساياساتتى قۇرۋدى تاپسىرعان بولاتىنمىن. بۇل جۇمىس جاقسى ءجۇرىپ جاتىر دەپ ايتا المايمىن. وي مەن يدەيا دەفيتسيتى بار سەكىلدى. بۇل داعدارىسقا قارسى شارالارعا دا قاتىستى.  مەن بلوگوسفەرادا بەلسەندىلىك تانىتقان جانە ءتۇرلى سىن-ەسكەرتپە ايتقان كاسىپكەرلەر مەن ەكونوميستەردى شاقىرىپ، ۇكىمەت جانىنان جۇمىس توبىن قۇرۋدى تاپسىردىم. بىراق بۇل ادامدار ۇزاققا شىدامادى، يدەيالار مەن ناقتى ۇسىنىستار دا بولماعان سەكىلدى. جيىندا وتىرعانداردىڭ بارىنە ايتارىم: "جاڭا قازاقستاندى بىرگە قۇرامىز" ۇرانى بوس ءسوز ەمەس. كاسىپكەرلەردىڭ، ەكونوميكانىڭ ناقتى سەكتورى وكىلدەرىنىڭ بۇل ىسكە اتسالىسۋى وتە ماڭىزدى".

 

"ادىرنا" ۇلتتىق پورتالى.

 

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket