«دەنەمنىڭ 4 جەرى سىندى»: كۇيەۋىنەن ءجابىر كورگەن ايەل كومەك سۇرايدى (ۆيدەو)

2332

نۇر-سۇلتان قالاسىندا كۇيەۋىنەن ءجابىر كورگەن ايەل كوپشىلىكتەن كومەك سۇرادى. بۇل تۋرالى "نەمولچيKZ" قوعامدىق قورىنىڭ باسشىسى دينا سمايلوۆا ايتتى، دەپ حابارلايدى «ادىرنا» ءتىلشىسى.

«اعىمداعى جىلدىڭ 27-ءشى ناۋرىزىنان 28-ءشى ناۋرىزىنا قاراعان ءتۇنى مەنىڭ جۇبايىم بايمەتوۆ ەلنۇر ماعان قاساقانا كۇش قولدانىپ، سالدارىنان 4 جەردەن سىنىق جاراقاتىن الدىم. دەنساۋلىققا كەلتىرىلگەن زيان سوت-مەديتسينالىق كۋالاندىرۋ اكتىسىمەن دە، مەديتسينالىق قۇجاتتاما جانە وزگە دە مەديتسينالىق قۇجاتتار بويىنشا سوت-مەديتسينالىق ساراپتامانىڭ قورىتىندىسىمەن دە راستالادى.
قازىرگى تاڭدا تەك قر قىلمىستىق كودەكسىنىڭ 107 بابىنىڭ 2 بولىگىنىڭ 3 تارماعى بويىنشا قىلمىستىق ءىس قوزعالدى. ليفتتە ۇرىپ-سوعۋ ناتيجەسىندە توقپان سۇيەك پەن قابىرعالارىم، ومىرتقام سىندى. ودان كەيىن كەنەتتەن جەلكە تۇسىمنان سوققى جاساپ، ەسىمنەن تالدىردى. بۇل قىلمىستىڭ ءبىرىنشى ەپيزودى. اياۋسىز ۇرىپ-سوعۋ ودان ءارى جالعاسا بەردى. قورقۋ، ومىرلىك ماڭىزدى ورگاندارعا تيگەن قاتتى سوققىلاردىڭ سالدارىنان فيزيكالىق اۋىرسىنۋ، سونداي-اق ۇيىقتاپ جاتقان كىشكەنتاي بالالاردىڭ ۋايىمداعانىم ماعان قانداي دا ءبىر قارسىلىق كورسەتۋگە مۇمكىندىك بەرمەدى»،— دەيدى زارداپ شەگۋشى.

ايەل بىرنەشە مارتە پوليتسياعا ارىزدانعانعان. ايتۋىنشا، تەرگەۋشى ەشبىر ايعاقتى ەلەمەي وتىرعان.

ال نۇر-سۇلتان قالاسىنىڭ پوليتسيا دەپارتامەنتى ءىس بويىنشا تەرگەۋ جۇرگىزىلىپ جاتقانىن مالىمدەدى.

 

پوسموترەت ەتۋ پۋبليكاتسيۋ ۆ Instagram

 

پۋبليكاتسيا وت نەمولچي.Kz (@nemolchi.kz)

</

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket