ءادىلحان ەرجانوۆ تۇسىرگەن جاڭا كينوتۋىندى LA Asian Pacific Film Festival كينوفەستيۆالىندە گران-پري جۇلدەسىنە (Grand Jury Award for Best Narrative Feature) يە بولدى. بۇل تۋرالى قازاقفيلمنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
فيلمدەگى وقيعا قاراتاس اۋىلىنداعى مەكتەپتە ءوربيدى. ءبىلىم ورداسىن باسىپ العان بەلگىسىز بىرەۋلەر وقۋشىلاردى تۇتقىنعا الىپ، ولاردى بوساتۋ ءۇشىن ەشقانداي تالاپ قويمايدى. قالادان كومەككە شىققان قۇتقارۋشىلار الاي-دۇلەي سوققان ىزعارلى بوراننان جەتە الماعاندىقتان، مەكتەپ ۇستازى تازشى اتا-انالاردىڭ باسىن قوسىپ، بالالاردى بوساتۋعا بەل بۋادى.
فيلمدەگى باستى رولدەردى ازامات نىعمانوۆ، الەكساندرا رەۆەنكو، بەرىك ايتجانوۆ، دانيار الشىنوۆ، نۇرلان باتىروۆ، تەومان حوس، ەركەن گۋباشەۆ جانە ەردەن تەلەميسوۆ سومدايدى.
«شتۋرم» – رەسەيلىك LOOKFILM جانە FORESTFILM كومپانيالارىنىڭ قولداۋىمەن ShortBrothers پروديۋسەرلىك كومپانياسى تۇسىرگەن قازاقستان مەن رەسەيدىڭ بىرلەسكەن تۋىندىسى. سونداي-اق جوبانى جاساۋعا «قازاقفيلم»، Cinerental كينوستۋدياسى جانە ايگىلى Nomad Stunts كاسكادەرلەر توبى اتسالىستى.
ەستەرىڭىزگە سالا كەتسەك، ءساۋىر ايىندا اتالعان فيلم فرانتسيادا وتكەن Festival international du Film Policier Reims Polar كينوفەستيۆالىندە گران-پري جانە سىنشىلاردىڭ جۇلدەسىمەن ماراپاتتالعان بولاتىن.
«ادىرنا» ۇلتتىق پورتالى
