الماتىدا جول اقىسىن تولەمەگەن 17 جاستاعى ءجاسوسپىرىمدى پوليتسيا قىزمەتكەرلەرى الىپ كەتكەن، دەپ حابارلايدى "ادىرنا" ۇلتتىق پورتالى.
"ەكسپرەسس ك" سايتىنىڭ حابارلاۋىنشا، ءجاسوسپىرىمنىڭ ONAY كارتاسىنا اكەسى اقشا سالىپ ۇلگەرمەپتى. سەبەبى اكەسى جۇمىستا بولعان.
بۇل تۋرالى Facebook-تەگى پاراقشاسىندا ەلدوس ومىرزاق ەسىمدى جەلى قولدانۋشىسى جازعان. ول 80 تەڭگەگە بولا جاس بالانى پوليتسەيلەر الىپ كەتكەنى تۋرالى ايتىلادى. جەلى قولدانۋشىلارى ءتارتىپ ساقشىلارىنىڭ بۇل ارەكەتىنە ءوز نارازىلىقتارىن ءبىلدىرىپ جاتىر.
"ماسقارا! پوليتسەيلەردىڭ وسىدان باسقا جۇمىسى جوق پا؟!", "ۇيات بولعان ەكەن! 80 تەڭگەگە بولا بالانى مۇنشا قيناعانى نەسى؟!", "ىشكى ىستەر باسقارماسىنا قىلمىسكەر سەكىلدى اپارعانى نەسى؟! وقۋشىلارعا جول اقىسىن تەگىن قىلۋ كەرەك",— دەگەن پىكىرلەر جازۋدا جەلى قولدانۋشىلارى.
پوليتسەيلەر كەيىن بالانى اتا-اناسىنا تابىستاعان. ءجاسوسپىرىمنىڭ جاعدايى قالىپتى.
"ادىرنا" ۇلتتىق پورتالى.
