توتەنشە جاعدايلار ءمينيسترى ەلوردادا تەرەزەدەن سالبىراپ تۇرعان ءسابيدى قۇتقارۋعا كومەكتەسكەن ساعي جىلقىشيەۆتى توسبەلگىمەن ماراپاتتادى. ماراپاتتاۋ ءراسىمى بۇگىن نۇر-سۇلتان قالالىق توتەنشە جاعدايلار دەپارتامەنتىندە ءوتتى، دەپ حابارلايدى “ادىرنا” ۇلتتىق پورتالى.
س. جىلقىشيەۆكە ەرلىگى ءۇشىن قر توتەنشە جاعدايلار ءمينيسترىنىڭ بۇيرىعىمەن «توتەنشە جاعدايداعى ەرلىگى ءۇشىن» توسبەلگىسى، العىس حات پەن قولساعات تابىستالدى.
ايتا كەتەيىك، 11 مامىر كۇنى ءسابيت دوسىمەن بىرگە تاڭەرتەڭ جۇمىسقا بارا جاتقان كەزدە ادامداردىڭ شوعىرلانعان توبىن جانە 8-قاباتتان ايعايلاپ تۇرعان بالانى كورگەن. ولار دەرەۋ پودەزگە جۇگىرىپ كىرىپ، كورشىلەر ارقىلى 7-قاباتقا كوتەرىلگەن. ءسابيت پەن ساعي قۇتقارۋ شارالارىنا بىردەن كىرىسكەن. سەبەبى ءاربىر سەكۋند ماڭىزدى بولدى. سابيت تەرەزە ارقىلى سىرتقا شىققان. ال ساعي ءبىر قولىمەن دوسىنىڭ اياعىن، ەكىنشى قولىمەن تەرەزەنى ۇستاپ تۇردى.
”ادىرنا” ۇلتتىق پورتالى
