قىتايدا ورتەنگەن ۇشاقتا رەسەيدىڭ ازاماتتارى بار-جوعى تەكسەرىلۋدە

2220
Adyrna.kz Telegram
فوتو: sputnik.kz
فوتو: sputnik.kz

رەسەيدىڭ قىتايداعى ەلشىلىگى قىتايدىڭ وڭتۇستىك-باتىسىنداعى چۋنتسين قالاسىنىڭ اۋەجايىندا ورتەنگەن ۇشاقتا رەسەي ازاماتتارىنىڭ بار-جوعىن تەكسەرىپ جاتىر، دەپ حابارلادى "ادىرنا" ۇلتتىق پورتالى "ريا نوۆوستيگە" سىلتەمە جاساپ.

ەلشىلىكتىڭ ءباسپاسوز اتتاشەسى گەورگي ەگوروۆتىڭ ايتۋىنشا، ەلشىلىك ۇشاقتا رەسەي ازاماتتارىنىڭ بولعان-بولماعانىن تەكسەرىپ جاتىر.

بەيسەنبى كۇنى جەرگىلىكتى ۋاقىت بويىنشا ساعات 8.09-دا (ماسكەۋ ۋاقىتىمەن 3.09) چۋنتسين قالاسىنان تيبەت اۆتونوميالىق ايماعىنىڭ نينچي قالاسىنا TV9833 رەيسىن ورىنداعان Tibet Airlines جولاۋشىلار ۇشاعى چۋنتسين قالاسىنداعى تسزيانبەي اۋەجايىندا ۇشىپ كوتەرىلۋ كەزىندە ۇشۋ-قونۋ جولاعىنان شىعىپ، ورتەنىپ كەتتى. بورتتا 113 جولاۋشى مەن 9 ەكيپاج مۇشەسى بولعان، بارلىعى امان، بىراق 40-تان استام ادام جاراقات الىپ، اۋرۋحاناعا جاتقىزىلدى. وقيعانىڭ سەبەبى ءالى انىقتالعان جوق، تەرگەۋ ءجۇرىپ جاتىر.

بۇل — قىتايداعى بيىلعى ەكىنشى ءىرى اۆياتسيالىق اپات. بۇعان دەيىن كۋنمين-گۋانچجوۋ باعىتىنداعى MU5735 رەيسىن ورىنداعان Boeing 737 ۇشاعى 21 ناۋرىزدا قىتايدىڭ وڭتۇستىگىندەگى گۋانسي-چجۋان اۆتونوميالىق اۋدانىنداعى ۋچجوۋ قالاسىنداعى تەن وكرۋگىندە اپاتقا ۇشىراعان بولاتىن. بورتتا 132 ادام (بارلىعى قىتاي ازاماتتارى), ونىڭ ىشىندە 123 جولاۋشى مەن توعىز ەكيپاج مۇشەسى بولعان، ولاردىڭ بارلىعى قايتىس بولدى دەپ جاريالاندى.

2015 جىلدان بەرى قولدانىستا بولعان لاينەردىڭ اپاتقا ۇشىراۋىنىڭ ىقتيمال سەبەپتەرى ازىرگە بەلگىسىز. ساراپشىلار تابىلعان "قارا جاشىكتەردى" زەرتتەۋدى جالعاستىرۋدا.

Boeing 737 ۇشاعىنىڭ اپاتى قىتايداعى سوڭعى 11,5 جىلداعى ەڭ اۋىر اۋە اپاتى بولدى، بۇعان دەيىن قىتايدىڭ ازاماتتىق اۆياتسياسى 138 اي قاتارىنان قاۋىپسىز ۇشىپ كەلگەن.

 

 

"ادىرنا" ۇلتتىق پورتالى

 

پىكىرلەر