بۇگىن اماناتتىڭ ورتالىق اپپاراتىندا سالتاناتتى قابىلداۋ ءوتتى. اماناتتىڭ قاتارىن بيزنەس، ۇكىمەتتىك ەمەس ۇيىمدار، ءتۇرلى سالا وكىلدەرى، بەلسەندى جاستار جانە ت.ب. تولتىردى، دەپ حابارلايدى "ادىرنا" پورتالى.
شارانى اشقان «امانات» پارتياسىنىڭ جاۋاپتى حاتشىسى اسحات ورالوۆ پارتيانىڭ ەڭ الدىمەن ورتاق قۇندىلىقتارمەن بىرىككەن پىكىرلەستەردىڭ بىرلەستىگى ەكەنىن باسا ايتتى.
"بۇگىنگى تاڭدا پارتيا ترانسفورماتسيالانۋ ۇستىندە. سونىمەن بىرگە، "امانات" – ەلىمىزدىڭ باستى ساياسي كۇشى جانە مەملەكەت باسشىسىنىڭ قوعامدىق قولداۋى. وزدەرىڭىز بىلەتىندەي، پرەزيدەنت قاسىم-جومارت توقاەۆ كەڭ اۋقىمدى پارتيانى، جاڭا ساياسي رەفورمالاردى ۇسىنعان بولاتىن. ماۋسىم ايىندا جالپىحالىقتىق رەفەرەندۋم وتەدى جانە وعان ءاربىر پارتيا مۇشەسى قاتىسادى، ءاربىر ازامات – ءبىزدىڭ ورتاق پارىزىمىز»، - دەدى اسحات ورالوۆ.
جاۋاپتى حاتشى پارتيانىڭ جاڭا مۇشەلەرى اماناتتى قايتا قۇرۋ جوبالارىن ساپالى جۇزەگە اسىرۋعا ءوز ۇلەستەرىن قوسىپ، تىڭ يدەيالارىن ورتاعا سالادى دەگەن سەنىم ءبىلدىردى.
بۇگىن پارتيا قاتارىنا قابىلدانعانداردىڭ قاتارىندا تەلەجۋرناليست ماقسات تولىقباي، ۇاو پرەزيدەنتى تالاپ ولجاس ورداباەۆ، رەسپۋبليكالىق «ادىلەت» بىرلەستىگىنىڭ ءتورايىمى دينارا قۇدايقۇلوۆا، «قازاقستان حالقىنا» قوعامدىق قورى باسقارما توراعاسىنىڭ ورىنباسارى ءلاززات شىڭعىسباەۆا، «قازاقستان حالقى» قوعامدىق قورىنىڭ باسقارما باسشىسى ءلاززات شىڭعىسباەۆا بار. «قورعان» مۇگەدەكتەر قوعامدىق بىرلەستىگى نۇرگۇل بايقازاقوۆا، «كومفورتستروي» جشس باس ديرەكتورى بەكزات مىرزاحمەت جانە ت.ب. دا پارتيا قاتارىنا ەندى.
