پرەمەر-ءمينيستردىڭ وكىمىمەن ەلىمىزدە پايدالانىلمايتىن جانە زاڭنامانى بۇزا وتىرىپ بەرىلگەن جەرلەردى الىپ قويۋ بويىنشا جۇمىس كوميسسياسى قۇرىلدى، دەپ حابارلايدى «ادىرنا» ءتىلشىسى eldala.kz-كە سىلتەمە جاساپ.
جۇمىس كوميسسياسى پايدالانىلماي جاتقان جانە بۇزۋشىلىقپەن بەرىلگەن جەرلەردى انىقتاۋ جانە الىپ قويۋ جونىندە ۇسىنىستار ازىرلەيدى. كوميسسيا اتقارىلعان جۇمىس تۋرالى توقسان سايىن 2025 جىلعا دەيىن پرەزيدەنت اكىمشىلىگىن حاباردار ەتەتىن بولادى.
جەردى الىپ قويۋ جونىندەگى كوميسسيانىڭ قۇرامىنا كىرەتىن:
- پرەمەر-ءمينيستردىڭ ءبىرىنشى ورىنباسارى، كوميسسيا باسشىسى
- اۋىل شارۋاشىلىعى ءمينيسترى، باسشىنىڭ ورىنباسارى
- اشم جەر رەسۋرستارىن باسقارۋ كوميتەتىنىڭ توراعاسى، حاتشى
- قر ۇلتتىق ەكونوميكا ءبىرىنشى ۆيتسە-ءمينيسترى
- قر اۋىل شارۋاشىلىعى ۆيتسە-ءمينيسترى
- قر قارجى ۆيتسە-ءمينيسترى
- قر تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى
- قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى (كەلىسىم بويىنشا)
- قوعامدىق مۇددەلەردى قورعاۋ قىزمەتى باستىعىنىڭ ورىنباسارى – باس پروكۋراتۋرانىڭ ەكونوميكا سالاسىنداعى زاڭدىلىقتى قاداعالاۋ باسقارماسىنىڭ باستىعى (كەلىسىم بويىنشا)
- قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ەكونوميكالىق قاۋىپسىزدىك دەپارتامەنتى باستىعىنىڭ ءبىرىنشى ورىنباسارى (كەلىسىم بويىنشا)
- وبلىس اكىمدەرىنىڭ ورىنباسارلارى.
بۇعان دەيىن قر پرەزيدەنتى قاسىم-جومارت توقاەۆ ءبىر قولعا جالعا بەرىلگەن جەر ۋچاسكەلەرىنىڭ شەكتى مولشەرى تۋرالى ماسەلەنى شەشۋدى تاپسىرعان بولاتىن.
