اتىراۋ وبلىسى يساتاي اۋدانىندا جوعالىپ كەتكەن 11 ادام تابىلدى، دەپ حابارلايدى «ادىرنا» ءتىلشىسى.
«ۋاز» اۆتوكولىگىنىڭ جۇرگىزۋشىسى مەن 10 جولاۋشى 8 مامىر كۇنى «اقمانداي» ۋچاسكەسىنە بارۋ ءۇشىن جولعا شىققان. ءبىر توپ ادام اۋا رايىنىڭ قولايسىزدىعىنا بايلانىستى اداسىپ كەتكەن.
قۇتقارۋشىلار ولاردى جاسقايرات اۋىلىنان شامامەن 85 شاقىرىم قاشىقتىقتان تاپتى. زارداپ شەككەندەر جوق.
ەسكە سالا كەتەيىك، بۇعان دەيىن اتىراۋ وبلىسىندا 11 ازاماتتىڭ جوعالعانى تۋرالى حابارلاعان ەدىك.
«ادىرنا» ۇلتتىق پورتالى
