ۋكرايناداعى ۋجگورود ۇلتتىق ۋنيۆەرسيتەتىنىڭ وقىتۋشىسى فەدور شاندوردىڭ مايدان شەبىندە ءجۇرىپ، وكوپتا ءدارىس وقىپ جاتقان سۋرەتى ۋكراينانىڭ تۇكپىر-تۇكپىرىندە تاراپ كەتتى. تاريحشى، تۋريزم ساراپشىسى، الەۋمەتتانۋشى سوعىستىڭ ءبىرىنشى كۇنىنەن باستاپ، زاكارپاتيانى قورعاۋعا الدى. الدىڭعى قاتاردا جۇرگەنىنە ءبىر ايعا جۋىقتاسا دا، ستۋدەنتتەرگە ءدارىس بەرۋىن توقتاتپاعان. بۇل تۋرالى UNIAN سايتىنا سۇحبات بەردى، دەپ حابارلايدى «ادىرنا» ۇلتتىق پورتالى.
«بۇل - مەنىڭ مىندەتىم. ويتكەنى، ءدال وسى ۋاقىتتا ءدارىستىڭ ۇلتتى تاربيەلەۋگە كومەگى بار ەكەنىن ەرەكشە تۇسىنەسىز. بۇل ءبىزدىڭ ءبىلىمدى ۇلت ءۇشىن كۇرەسەمىز. بۇگىنگى كۇن جاي عانا سوعىس ەمەس، بۇل ەكى دۇنيەنىڭ – ەۋروپاشىل، دەموكراتيالىق جانە ناداندىقتىڭ ىدىراۋى بولادى»، -دەدى وقىتۋشى سۇحباتىندا.
ايتۋىنشا، بۇل سوعىستىڭ ءوزى ناداندىقتان تۋعان.
«ادامداردىڭ ناداندىعى نەگە اپارىپ سوقتىراتىنىن وزدەرىڭىز كورىپ وتىرسىزدار! ءبىلىمنىڭ جوقتىعى – قىزىل ورماندا ور قازۋ دەگەن ءسوز. ءبىلىمنىڭ جوقتىعى – اتوم ەلەكتر ستانتسيالارىن اتۋ، تەاترلاردى بومبالاۋ. ءبىلىم مەن اعارتۋشىلىقتىڭ جوقتىعى – بۋچا. ول ءتىپتى ءسىزدىڭ قۇندىلىقتارىڭىزدى بۇزادى. قالايشا بۇكىل الەمگە پراۆوسلاۆيە ءدىنى تۋرالى ايعايلاپ، ونىڭ باستى عيباداتحانالارى - كيەۆ، چەرنيگوۆ، شىركەۋلەر مەن عيباداتحانالار بار جەرلەردى بومبالاۋعا بولادى؟ مۇنىڭ ءبارى تاربيەنىڭ، ناداندىقتىڭ جوقتىعى. وسىنىڭ بارىنەن كەيىن «ورىس عىلىمى» دەگەن ۇعىمدى قالاي سيپاتتايتىنىمدى بىلمەيمىن. كەڭەس وداعى ىدىراعالى ارامىزدا وتكەن ءۇش ونجىلدىقتا جاڭا ۇرپاق ءوستى، جاڭا زيالى قاۋىم ءوستى، بىراق ءبىز ونى كورمەيمىز. سوندىقتان بۇگىندە ورىسشا ءبىلىم بەرۋ وقۋ ەمەس، جابايىلىق دەپ ايتا الامىز»، -دەپ كۇيىندى فەدور شاندور.
سونداي-اق، ۋكراينا وقىتۋشىسىنىڭ ايتۋىنشا، مايداندا ءدارىس بەرگەلى بەلسەندى قاتىساتىن ستۋدەنتتەر قاتارى ارتقان جانە باسشىلىق ءدارىس بەرۋ ءۇشىن ارنايى كەزەكشىلىك ۇيىمداستىرعان.
«مەن باسشىلىققا بارلىعىن ءتۇسىندىردىم. ولار مەن ءدارىس وقي بەرۋىم ءۇشىن جاۋىنگەرلىك كەزەكشىلىك ۇيىمداستىرۋدى ۇيعاردى. كەيدە جۇپ بولعاندا تۇندە كەزەكشىلىكتە بولىپ، تاڭەرتەڭ ستۋدەنتتەرگە لەكتسيا وقيمىن. سودان كەيىن باسقا تاپسىرمالاردى ورىندايمىن...ادەتتە مەن ءدارىس وقىپ، تاپسىرمالاردى ورىنداۋعا كىرىسەتىنمىن. سوندىقتان سۋرەتتىڭ تاراپ كەتكەنى كۇتپەگەن وقيعا بولدى»، دەدى ول.
سونداي-اق، ءدارىس كەزىندە ەكى رەت اتقىلاۋ جانە وقىپ وتىرعاندا بلينداجداعى جارىق ءوشىپ قالعان.سوندىقتان ءدارىستى كەز كەلگەن جاعدايدا بەرۋگە تۋرا ەلەتىنىن ايتتى.
«ادىرنا» ۇلتتىق پورتالى
