Ýkraınadaǵy Ýjgorod Ulttyq ýnıversıtetiniń oqytýshysy Fedor Shandordyń maıdan shebinde júrip, okopta dáris oqyp jatqan sýreti Ýkraınanyń túkpir-túkpirinde tarap ketti. Tarıhshy, týrızm sarapshysy, áleýmettanýshy soǵystyń birinshi kúninen bastap, Zakarpatııany qorǵaýǵa aldy. Aldyńǵy qatarda júrgenine bir aıǵa jýyqtasa da, stýdentterge dáris berýin toqtatpaǵan. Bul týraly UNIAN saıtyna suhbat berdi, dep habarlaıdy «Adyrna» ulttyq portaly.
«Bul - meniń mindetim. Óıtkeni, dál osy ýaqytta dáristiń ultty tárbıeleýge kómegi bar ekenin erekshe túsinesiz. Bul bizdiń bilimdi ult úshin kúresemiz. Búgingi kún jaı ǵana soǵys emes, bul eki dúnıeniń – eýropashyl, demokratııalyq jáne nadandyqtyń ydyraýy bolady», -dedi oqytýshy suhbatynda.
Aıtýynsha, bul soǵystyń ózi nadandyqtan týǵan.
«Adamdardyń nadandyǵy nege aparyp soqtyratynyn ózderińiz kórip otyrsyzdar! Bilimniń joqtyǵy – Qyzyl ormanda or qazý degen sóz. Bilimniń joqtyǵy – atom elektr stanııalaryn atý, teatrlardy bombalaý. Bilim men aǵartýshylyqtyń joqtyǵy – Býcha. Ol tipti sizdiń qundylyqtaryńyzdy buzady. Qalaısha búkil álemge pravoslavıe dini týraly aıǵaılap, onyń basty ǵıbadathanalary - Kıev, Chernıgov, shirkeýler men ǵıbadathanalar bar jerlerdi bombalaýǵa bolady? Munyń bári tárbıeniń, nadandyqtyń joqtyǵy. Osynyń bárinen keıin «orys ǵylymy» degen uǵymdy qalaı sıpattaıtynymdy bilmeımin. Keńes Odaǵy ydyraǵaly aramyzda ótken úsh onjyldyqta jańa urpaq ósti, jańa zııaly qaýym ósti, biraq biz ony kórmeımiz. Sondyqtan búginde oryssha bilim berý oqý emes, jabaıylyq dep aıta alamyz», -dep kúıindi Fedor Shandor.
Sondaı-aq, Ýkraına oqytýshysynyń aıtýynsha, maıdanda dáris bergeli belsendi qatysatyn stýdentter qatary artqan jáne basshylyq dáris berý úshin arnaıy kezekshilik uıymdastyrǵan.
«Men basshylyqqa barlyǵyn túsindirdim. Olar men dáris oqı berýim úshin jaýyngerlik kezekshilik uıymdastyrýdy uıǵardy. Keıde jup bolǵanda túnde kezekshilikte bolyp, tańerteń stýdentterge lekııa oqımyn. Sodan keıin basqa tapsyrmalardy oryndaımyn...Ádette men dáris oqyp, tapsyrmalardy oryndaýǵa kirisetinmin. Sondyqtan sýrettiń tarap ketkeni kútpegen oqıǵa boldy», dedi ol.
Sondaı-aq, dáris kezinde eki ret atqylaý jáne oqyp otyrǵanda blındajdaǵy jaryq óship qalǵan.Sondyqtan dáristi kez kelgen jaǵdaıda berýge týra eletinin aıtty.
«Adyrna» ulttyq portaly
