قر پرەزيدەنتى ق.توقاەۆ قازاقستاندىقتاردى وتان قورعاۋشىلار كۇنىمەن قۇتتىقتادى، دەپ حابارلايدى "ادىرنا" ۇلتتىق پورتالى.
"قۇرمەتتى قازاقستاندىقتار! سىزدەردى وتان قورعاۋشىلار كۇنىمەن شىن جۇرەكتەن قۇتتىقتايمىن! بۇل مەرەكە باتىر بابالارىمىزدىڭ وتانعا قىزمەت ەتۋدىڭ داڭقتى داستۇرلەرى مەن بۇگىنگى ۇرپاقتار اراسىنداعى تەرەڭ بايلانىستى بىلدىرەدى.
وتان قورعاۋ – قاسيەتتى پارىز جانە جاۋاپتى ميسسيا. اسكەري انتىنا ادال، ناعىز پاتريوتتاردى حالقىمىز قاشاندا ەرەكشە قاستەر تۇتقان.
بيىل قازاقستان قارۋلى كۇشتەرىنىڭ قۇرىلعانىنا 30 جىل تولىپ وتىر. وسى ۋاقىت ىشىندە اسكەر تاۋەلسىزدىگىمىزدىڭ، مەملەكەتتىگىمىزدىڭ مىزعىماس تىرەگىنە اينالدى.
قورعانىس الەۋەتىن نىعايتۋ، اسكەري قىزمەتكەرلەردىڭ جاۋىنگەرلىك ازىرلىگىن ارتتىرۋ جانە ولاردى جان-جاقتى قامتاماسىز ەتۋ – مەملەكەتتىڭ ماڭىزدى مىندەتتەرىنىڭ ءبىرى. ەلىمىزدەگى بەيبىتشىلىك پەن تىنىشتىقتى قورعاپ، قازاقستان رەسپۋبليكاسى اۋماعىنىڭ تۇتاستىعىن قورعاپ جۇرگەن ساربازدار مەن كومانديرلەرگە العىسىمدى بىلدىرەمىن.
ءبىزدىڭ ەرجۇرەك جاۋىنگەرلەرىمىز حالىق سەنىمىن اقتايتىنىنا سەنىمدىمىن! بارلىق ازاماتتارعا باق-بەرەكە جانە تابىس تىلەيمىن!",- دەدى پرەزيدەنت اقورداداعى قۇتتىقتاۋىندا.
"ادىرنا" ۇلتتىق پورتالى.
