QR Prezidentı Q.Toqaev qazaqstandyqtardy Otan qorǧauşylar künımen qūttyqtady, dep habarlaidy "Adyrna" ūlttyq portaly.
"Qūrmettı qazaqstandyqtar! Sızderdı Otan qorǧauşylar künımen şyn jürekten qūttyqtaimyn! Būl mereke batyr babalarymyzdyŋ Otanǧa qyzmet etudıŋ daŋqty dästürlerı men bügıngı ūrpaqtar arasyndaǧy tereŋ bailanysty bıldıredı.
Otan qorǧau – qasiettı paryz jäne jauapty missiia. Äskeri antyna adal, naǧyz patriottardy halqymyz qaşanda erekşe qaster tūtqan.
Biyl Qazaqstan Qaruly Küşterınıŋ qūrylǧanyna 30 jyl tolyp otyr. Osy uaqyt ışınde äsker Täuelsızdıgımızdıŋ, memlekettıgımızdıŋ myzǧymas tıregıne ainaldy.
Qorǧanys äleuetın nyǧaitu, äskeri qyzmetkerlerdıŋ jauyngerlık äzırlıgın arttyru jäne olardy jan-jaqty qamtamasyz etu – memlekettıŋ maŋyzdy mındetterınıŋ bırı. Elımızdegı beibıtşılık pen tynyştyqty qorǧap, Qazaqstan Respublikasy aumaǧynyŋ tūtastyǧyn qorǧap jürgen sarbazdar men komandirlerge alǧysymdy bıldıremın.
Bızdıŋ erjürek jauyngerlerımız halyq senımın aqtaitynyna senımdımın! Barlyq azamattarǧa baq-bereke jäne tabys tıleimın!",- dedı Prezident Aqordadaǧy qūttyqtauynda.
"Adyrna" ūlttyq portaly.
