جۋرناليست گۇلميرا ابىقاي جۋىردا تۇركىستان وبلىسىندا بالالارىنىڭ كوزىنشە ايەلىن ۇرىپ ولتىرگەن قاتىگەز ەركەكتىڭ ءىس-ارەكەتىنە قاتىستى پىكىر ءبىلدىردى دەپ حابارلايدى "ادىرنا" ۇلتتىق پورتالى.
ء"وز ايەلىن ۇرىپ ولتىرۋگە بولادى؟ كەشە عانا بەتىنە تىكە قاراۋعا يمەنىپ، ءسوز سالىپ، عاشىق بولعان سۇيگەنى ەمەس پە؟ بۇلار دا جاس بولىپ قوسىلىپ، بولاشاقتى بىرگە ارماندادى ەمەس پە دەپ باياعىدا جۋرناليستيكانى باستاعاندا ءبىر ايەلگە قاتتى جانىم اشىپ ويلاپ ەم. سودان بەرى قانشا جىل وتسە دە ساناسىز ەركەك تە، زاڭ دا وزگەرگەن جوق!", — دەپ جازدى جۋرناليست فەيسبۋكتەگى پاراقشاسىندا.
ونىڭ ايتۋىنشا، قازىر قاتىگەز كۇيەۋ قاماۋدا وتىر. ال 4 بالانى ەكى جاقتىڭ ۇلكەندەرى 2-گە ءبولىپ باقپاقشى.
"ەندى ولارعا قانشا قامقورلىق كورسەتسەڭ دە اناسى قايتپايدى. تۋعان اكەسىنەن تاياق جەپ كوز الدارىندا ۇزىلگەن شەشەسىنىڭ بەينەسىن جۇرەكتەرىنەن كىم جازادى؟؟؟
پوليتسيا “بۇل وتباسى جايلى وسىعان دەيىن ەشقانداي شاعىم تۇسپەگەنىن” ايتادى. وتباسىلىق كيكىلجىڭ بۇگىن عانا ورىن الدى دەگەنگە كىم سەنەدى؟ قازىر اكىمدىك جانىندا ءار اۋداندا تۇرمىستىق زورلىق-زومبىلىقپەن كۇرەس ورتالىعى ء(بولىمى) بار. قۇرعاق ستاتيستيكانى قاتتاپ وتىرعانشا، وسىنداي ايەلدەرمەن بايلانىستا بولۋى ءتيىس! مەكتەپتەگى پسيحولوگ پەن الەۋمەتتىك پەداگوگ بالالار جۇرەگىنە نەگە ۇڭىلمەگەن؟", — دەپ جازدى جۋرناليست.
ءسوزىنىڭ سوڭىندا گۇلميرا ابىقاي تيران كۇيەۋمەن ءومىر سۇرۋگە بولمايتىنىن، مۇنىڭ اقىرى بالالارعا قيىن بولاتىنىن جەتكىزدى. ونىڭ ايتۋىنشا، مارقۇمنىڭ تۋىستارى وعان جۇگىنىپ، جاعدايدى ايتىپ بەرگەن.
"ادىرنا" ۇلتتىق پورتالى.
