ەلدى دۇرلىكتىرگەن وقيعا الماتى وبلىسى پانفيلوۆ اۋىلدىق وكرۋگى اكىمىنىڭ ەسەپ بەرۋ كەزدەسۋىندە بولعان، دەپ حابارلايدى "ادىرنا" ۇلتتىق پورتالى "Tengrinews.kz"-كە سىلتەمە جاساپ.
پوليتسياعا اۋىل بەلسەندىسى بولات جاكىشەۆ جۇگىنگەن. 64 جاستاعى ەر ادامنىڭ ايتۋىنشا، اكىم ونى بالاعاتتاپ، شابۋىلداعان. بۇل وقيعا اۋىل باسشىسىنىڭ جەرگىلىكتى حالىقپەن جىل سايىنعى ەسەپ بەرۋ كەزدەسۋىندە بولعان.
اۋىزشا كيكىلجىڭ ەكى ەر ادامنىڭ توبەلەسىنە ۇلاسقان. سالدارىنان ەكىنشى توپتاعى مۇگەدەك زارداپ شەگىپ، قۇقىق قورعاۋ ورگاندارىنا جۇگىنگەن.
ناتيجەسىندە، پانفيلوۆ اۋىلدىق وكرۋگىنىڭ اكىمى سەرىك شالوۆقا "ۇساق بۇزاقىلىق" بابى بويىنشا 30 630 تەڭگە ايىپپۇل سالىندى. اقپاراتتى الماتى وبلىسىنىڭ پوليتسيا دەپارتامەنتى مەن تالعار اۋدانىنىڭ اكىمدىگى رەسمي تۇردە راستادى.
"ايىپپۇل تەك ماعان عانا ەمەس، بەلسەندىگە دە سالىندى. مەن قازىر قانداي دا ءبىر سەبەپتەرمەن وقيعانىڭ ءجاي-جاپسارىن ايتا المايمىن", - دەدى سەرىك شالوۆ.
"ادىرنا" ۇلتتىق پورتالى
