"بانك تسەنتركرەديت" بيىل ناۋرىزدا رەسەيگە قارسى سانكتسيالارعا ۇشىراعان الفا-بانك قازاقستاندى ساتىپ الۋ كەلىسىمىن جاسادى. بۇل تۋرالى بتسك ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
"الفا-بانك" اق پەن "بانك تسەنتركرەديت" اق قازاقستانداعى "الفا-بانك" ەب اق-تى ساتۋ تۋرالى تۇبەگەيلى كەلىسىمگە كەلدى. "بانك تسەنتركرەديت" جاي اكتسيالاردىڭ 100 پايىزىن ساتىپ الۋ ارقىلى قازاقستانداعى الفا-بانكتىڭ جاڭا اكتسيونەرى اتانادى. قايتا تىركەۋدەن وتكەننەن كەيىن بانك جاڭا ECO BANK برەندىمەن جۇمىس ىستەيتىن بولادى. تولىق اتاۋى - "ECO BANK" ەب اق", - دەلىنگەن حابارلامادا.
بتسك مالىمەتىنشە، بانك ونىمدەرىنىڭ بارلىق شارتى كليەنتتەر ءۇشىن وزگەرىسسىز قالادى جانە SDN تىزىمىنەن شىعۋ پروتسەدۋراسى اياقتالعاننان كەيىن كليەنتتەر بانك قىزمەتىنىڭ بارلىق سپەكترىنە قول جەتكىزە الادى.
"قازىر تۇتىنۋشىلارىمىزعا ىڭعايلى بولۋ ءۇشىن bcc.kz سايتىندا سۇراق-جاۋاپ فورماتىنداعى اقپاراتتىق جادىناما ورنالاستىرىلدى. قوسىمشا سۇراقتار بويىنشا جەكە تۇلعالار ءۇشىن 505, زاڭدى تۇلعالار ءۇشىن 605 نومىرىنە حابارلاسۋلارىڭىزدى سۇرايمىز", - دەدى بتسك وكىلدەرى.
