سەناتتىڭ جالپى وتىرىسىندا پالاتا توراعاسى ماۋلەن اشىمباەۆ سىرتقى قارىزدى كوبەيتە بەرمەي، بار قاراجاتتى دۇرىس پايدالانۋ كەرەك ەكەنىن جەتكىزدى، دەپ حابارلايدى "ادىرنا" ۇلتتىق پورتالى.
— قازىرگى تاڭدا ءبارىمىز جاڭا قازاقستاندى قۇرۋعا بەلسەندى كىرىسىپ جاتىرمىز. بۇل جولدا بارلىق سالادا جاڭا قادام، تىڭ كوزقاراس قاجەت ەكەنى انىق. سونىڭ ىشىندە رەسپۋبليكالىق بيۋدجەتتى قالىپتاستىرۋدا دا جاڭا تاسىلدەر كەرەك دەپ ەسەپتەيمىز. پرەزيدەنت ايتقانداي، جاڭا قازاقستان دەگەنىمىز – ەڭ الدىمەن ادىلەتتى قازاقستان، - دەدى ول.
ءوز سوزىندە اشىمباەۆ بيۋدجەتتى قالىپتاستىرۋ اشىق، ءادىل، ءتيىمدى جۇرگىزىلۋى ءتيىس ەكەنىن، ونى جۇمساۋدا دا ۇنەمدىلىك، جيناقىلىق بولۋ كەرەكتىگىن، سونداي-اق حالىقتىڭ تالابى جانە مەملەكەت باسشىسىنىڭ جۇكتەپ وتىرعان مىندەتى ورىندالعان جاعدايدا جاڭا قازاقستان بولاتىندىعىمىزدى ايتتى.
"ادىرنا" ۇلتتىق پورتالى
