پەتروپاۆلدا 19 جاستاعى ستۋدەنت سۋيتسيد جاساعان. ومىردەن باز كەشكەن جاس جىگىتتىڭ دەنەسى ءوزى وقيتىن كوللەدج اۋماعىنان تابىلدى، دەپ حابارلايدى "ادىرنا" ۇلتتىق پورتالى كتك ارناسىنا سىلتەمە جاساپ.
كوللەدج ديرەكتورىنىڭ ورىنباسارى ناتاليا بىۆالتسەۆانىڭ ايتۋىنشا، ستۋدەنت مىنەزى وتە اشىق، كەز كەلگەن اداممەن ءتىل تابىساتىن جىگىت بولعان.
— تانىسى، دوسى كوپ، جۇرگەن ورتاسىندا بەدەلدى ەدى. وزىمەن بىرگە وقيتىن توپتا سىيلى، ءسوزىن تىڭداتا الاتىن ستۋدەنت بولدى. سوندىقتان ونى توپ باسشىسى ەتىپ تاڭداعان، — دەيدى ول.
جاس جىگىتتىڭ اعاشقا اسىلىپ تۇرعان دەنەسىن تاڭەرتەڭ وقۋ ورنى ماڭىنان ءوتىپ بارا جاتقاندار بايقاعان. كۋاگەرلەر كوللەدج كۇزەتشىسىنە حابارلاپ، ول پوليتسيا شاقىرىپتى. ءبىلىم ورداسىنىڭ ۇجىمى ءۇشىن بۇل حابار توبەدەن جاي تۇسكەندەي بولعان. ءوزىن ولىمگە قيعان سامات قۇرىلىس عيماراتتارىن پايدالانۋ ماماندىعى بويىنشا ءبىرىنشى كۋرستا وقىعان. گرانتقا تۇسكەن جىگىت قالادا پاتەر جالداپ تۇرعان. وقۋعا ماعجان جۇماباەۆ اۋدانىنان كەلىپتى.
— قىلمىستىق كودەكتىڭ 105-بابى – ءوزىن ءوزى ولتىرۋگە يتەرمەلەۋگە قاتىستى سوتقا دەيىنگى تەرگەۋ باستالدى. سوت-مەديتسينالىق ساراپتاما تاعايىندالدى. جان-جاقتى تەرگەلەدى، — دەيدى سقو پد ءباسپاسوز قىزمەتىنىڭ وكىلى نۇربەك باەكين.
"ادىرنا" ۇلتتىق پورتالى
