Petropavlda 19 jastaǵy stýdent sýııd jasaǵan. Ómirden baz keshken jas jigittiń denesi ózi oqıtyn kolledj aýmaǵynan tabyldy, dep habarlaıdy "Adyrna" ulttyq portaly KTK arnasyna silteme jasap.
Kolledj dırektorynyń orynbasary Natalıa Byvalevanyń aıtýynsha, stýdent minezi óte ashyq, kez kelgen adammen til tabysatyn jigit bolǵan.
— Tanysy, dosy kóp, júrgen ortasynda bedeldi edi. Ózimen birge oqıtyn topta syıly, sózin tyńdata alatyn stýdent boldy. Sondyqtan ony top basshysy etip tańdaǵan, — deıdi ol.
Jas jigittiń aǵashqa asylyp turǵan denesin tańerteń oqý orny mańynan ótip bara jatqandar baıqaǵan. Kýágerler kolledj kúzetshisine habarlap, ol polıııa shaqyrypty. Bilim ordasynyń ujymy úshin bul habar tóbeden jaı túskendeı bolǵan. Ózin ólimge qıǵan Samat qurylys ǵımarattaryn paıdalaný mamandyǵy boıynsha birinshi kýrsta oqyǵan. Grantqa túsken jigit qalada páter jaldap turǵan. Oqýǵa Maǵjan Jumabaev aýdanynan kelipti.
— Qylmystyq kodektiń 105-baby – ózin ózi óltirýge ıtermeleýge qatysty sotqa deıingi tergeý bastaldy. Sot-medıınalyq saraptama taǵaıyndaldy. Jan-jaqty tergeledi, — deıdi SQO PD baspasóz qyzmetiniń ókili Nurbek Baekın.
"Adyrna" ulttyq portaly
