Petropavlda 19 jastaǧy student suisid jasaǧan. Ömırden baz keşken jas jıgıttıŋ denesı özı oqityn kolledj aumaǧynan tabyldy, dep habarlaidy "Adyrna" ūlttyq portaly KTK arnasyna sılteme jasap.
Kolledj direktorynyŋ orynbasary Natalia Byvalsevanyŋ aituynşa, student mınezı öte aşyq, kez kelgen adammen tıl tabysatyn jıgıt bolǧan.— Tanysy, dosy köp, jürgen ortasynda bedeldı edı. Özımen bırge oqityn topta syily, sözın tyŋdata alatyn student boldy. Sondyqtan ony top basşysy etıp taŋdaǧan, — deidı ol.
Jas jıgıttıŋ aǧaşqa asylyp tūrǧan denesın taŋerteŋ oqu orny maŋynan ötıp bara jatqandar baiqaǧan. Kuägerler kolledj küzetşısıne habarlap, ol polisiia şaqyrypty. Bılım ordasynyŋ ūjymy üşın būl habar töbeden jai tüskendei bolǧan. Özın ölımge qiǧan Samat qūrylys ǧimarattaryn paidalanu mamandyǧy boiynşa bırınşı kursta oqyǧan. Grantqa tüsken jıgıt qalada päter jaldap tūrǧan. Oquǧa Maǧjan Jūmabaev audanynan kelıptı.
— Qylmystyq kodektıŋ 105-baby – özın özı öltıruge itermeleuge qatysty sotqa deiıngı tergeu bastaldy. Sot-medisinalyq saraptama taǧaiyndaldy. Jan-jaqty tergeledı, — deidı SQO PD baspasöz qyzmetınıŋ ökılı Nūrbek Baekin.
"Adyrna" ūlttyq portaly
