استاناداعى بەكبولات تىلەۋحاننىڭ ۇيىندە بولعان كەزدەسۋ كەزىندە بولعان ءبىر قىزىق جايتتى ايتا كەتكىم كەلەدى. وتىرىستىڭ اراسىندا ناماز وقىپ الۋ ءۇشىن ءبارىمىز كورشى بولمەگە شىقتىق. ەندى نامازعا ساپ تۇزەپ تۇرا بەرىپ ەدىك، تەرەزەدەن سوققان سامال قوزعاعان بولۋ كەرەك، قابىرعادا ءىلۋلى تۇرعان ارنايى جاسالعان قىمبات باعالى دومبىرا جەرگە تارس ەتىپ قۇلاپ ءتۇستى. قۇدايعا قۇلشىلىق جاساۋ الدىندا تەرەڭ ويعا بويلاي باستاعان ءبىز سەلك ەتە قالدىق. ءوزىن حاليل ۇستازدىڭ الدىندا ىڭعايسىز سەزىنگەن بەكبولات «شايتاننىڭ داڭعىرلاعى-اي…» دەپ، جەردە جاتقان دومبىرانى جۇلقي تارتىپ ورنىنا ءىلىپ قويدى دا، كىنالى ادامشا كۇيبەڭدەپ بارىپ، قايىرا كەپ ساپقا تۇردى…
ءحاليلدىڭ ءدىني بىلىمىنە ءتانتى بولىپ، ونى وزىنە ۇستاز ساناي باستاعان بەكبولات تىلەۋحان دا سوزگە شەشەن ادام. مۇسىلمانداردىڭ ادەبى جونىندە بولعان ءبىر اڭگىمەدە بەكبولات حاليلگە قاراتىپ بىلايشا ءسوز باستادى: «مۇسىلمان ادامنىڭ مۇحاممەد پايعامبارىمىز بەن ساحابالارعا قاراپ بوي تۇزەگەنى دۇرىس قوي. بىراق ماعان اللا بوي بەرمەدى. بويى پاكەنە ادام بالاعىن قىسقارتىپ، ساقالىن ۇزىن قويسا، سىرتتان قاراعان جۇرتقا ءتىپتى كۇلكىلى كورىنەدى ەمەس پە. ونىڭ ۇستىنە دەپۋتاتپىن، ەلدىڭ، حالىقتىڭ كوز الدىندا جۇرەمىن. حاليلجان-اۋ، وسى ءبىز سياقتىلارعا جەڭىلدىك بار ما؟!» دەدى قۋلانا. «بەكە، سىزگە رۇقسات»، – دەپ كۇلىمسىرەدى حاليل. بۇل اڭگىمەنى حاليل ۇستازدىڭ و باستا مامىلەشىل بولعانىنا دالەل رەتىندە ايتىپ وتىرمىن.
تۇراربەك قۇسايىنوۆتىڭ
«مەن قالاي رۋحاني جاڭعىردىم» كىتابىنان ءۇزىندى
"جاس الاش".
ماتەريالدىڭ تولىق نۇسقاسىن مىنا سىلتەمەدەن وقي الاسىزدار: https://zhasalash.kz/11390/
