Astanadaǵy Bekbolat Tileýhannyń úıinde bolǵan kezdesý kezinde bolǵan bir qyzyq jaıtty aıta ketkim keledi. Otyrystyń arasynda namaz oqyp alý úshin bárimiz kórshi bólmege shyqtyq. Endi namazǵa sap túzep tura berip edik, terezeden soqqan samal qozǵaǵan bolý kerek, qabyrǵada ilýli turǵan arnaıy jasalǵan qymbat baǵaly dombyra jerge tars etip qulap tústi. Qudaıǵa qulshylyq jasaý aldynda tereń oıǵa boılaı bastaǵan biz selk ete qaldyq. Ózin Halıl ustazdyń aldynda yńǵaısyz sezingen Bekbolat «Shaıtannyń dańǵyrlaǵy-aı…» dep, jerde jatqan dombyrany julqı tartyp ornyna ilip qoıdy da, kináli adamsha kúıbeńdep baryp, qaıyra kep sapqa turdy…
Halıldiń dinı bilimine tánti bolyp, ony ózine ustaz sanaı bastaǵan Bekbolat Tileýhan da sózge sheshen adam. Musylmandardyń ádebi jóninde bolǵan bir áńgimede Bekbolat Halılge qaratyp bylaısha sóz bastady: «Musylman adamnyń Muhammed paıǵambarymyz ben sahabalarǵa qarap boı túzegeni durys qoı. Biraq maǵan Alla boı bermedi. Boıy pákene adam balaǵyn qysqartyp, saqalyn uzyn qoısa, syrttan qaraǵan jurtqa tipti kúlkili kórinedi emes pe. Onyń ústine depýtatpyn, eldiń, halyqtyń kóz aldynda júremin. Halıljan-aý, osy biz sııaqtylarǵa jeńildik bar ma?!» dedi qýlana. «Beke, sizge ruqsat», – dep kúlimsiredi Halıl. Bul áńgimeni Halıl ustazdyń o basta mámileshil bolǵanyna dálel retinde aıtyp otyrmyn.
Turarbek QUSAIYNOVTYŃ
«Men qalaı rýhanı jańǵyrdym» kitabynan úzindi
"Jas Alash".
Materıaldyń tolyq nusqasyn myna siltemeden oqı alasyzdar: https://zhasalash.kz/11390/
