«مۋسياد قازاقستان – كاسىپكەرلەر اسسوتسياتسياسى» تۇركىستاندا ستۋدەنتتەرگە اۋىزاشار بەردى

5364
Adyrna.kz Telegram

«مۋسياد قازاقستان- كاسىپكەرلەر اسسوتسياتسياسى» ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ستۋدەنتتەرىنە ارناپ، اۋىزاشار داستارحانىن جايدى.

تۇركى الەمىنىڭ رۋحاني استاناسى – تۇركىستان شاھارىندا وتكەن بۇل شارا تۇركى الەمىنەن كەلىپ وقۋ ورداسىندا ءبىلىم الىپ جۇرگەن ستۋدەنتتەرگە ارنالدى.

شاراعا ۇيىتقى بولعان «مۋسياد قازاقستان- كاسىپكەرلەر اسسوتسياتسياسىنىڭ» توراعاسى يىلماز كەسەن تومەندەگىدەي پىكىر ءبىلدىردى:

«ءبىز- «مۋسياد قازاقستان» ۇيىمى رەتىندە بيىلعى ءداستۇرلى اۋىزاشار داستارحانىمىزدى ەكى باۋىرلاس ەلدىڭ ورتاق عىلىم مەن ءبىلىم ورداسى، ماقتانىشىمىز – ياساۋي ۋنيۆەرسيتەتىنىڭ ستۋدەنت جاستارىنا ارناپ جايدىق. ويتكەنى جاستار ءبىزدىڭ بولاشاعىمىز، ءارى ولار ەكى باۋىرلاس ەلدىڭ وكىلدەرى دە سونىمەن قاتار. سوندىقتان دا ءبىز ولارعا سەنىم ارتامىز، ارقا سۇيەيمىز. وسى سەبەپتى مۋسياد، ءوز قۇرىلىمدا جاستارعا دا ارنايى كاسىپكەرلىك پلاتفورمالار مەن جاڭا مۇمكىندىكتەر ۇسىنۋدا. ايتالىق، كۇنى كەشە مۋسيادتىڭ جاستار قۇرىلىمدارىندا بەلسەندىلىك تانىتىپ، جان-جاقتى ءوزىن دامىتىپ، تاجىريبە جيناقتاعان جاستار بۇگىندە ماڭىزدى جوبالاردىڭ باستاماشىسى بولىپ ءجۇر، مۋسيادتىڭ ۇيىمداستىرۋ القاسىندا، حالىقارالىق كاسىپكەرلىك فورۋمىندا، حالىقارالىق جاستار كونگرەسىندە، مۋسياد ۆيزيونەر، مۋسياد ەكسپو سىندا ءىرى شارالاردا ماڭىزدى قىزمەت تاقارۋدا. «مۋسياد قازاقستاننىڭ» ەسىكتەرى جاسارعا ءادايىم ايقارا اشىق».

ايتا كەتەيىك، مۋسياد ۇيىمى ءوز قۇرامىندا الپىس مىڭعا جۋىق ءوندىرىس پەن كومپانيالاردى بىرىكتىرگەن، تۇركيا مەن الەمنىڭ وزگە دە ەلدەرىندە ءجۇز الپىس ءتورت وكىلدىگى قىزمەت اتقاراتىن كاسىپكەرلىك پلاتفورما بولىپ تابىلادى.

"ادىرنا" ۇلتتىق پورتالى

 

پىكىرلەر