شىمكەنتتە ءىرى اگرس-ءتىڭ سالىنۋ ناتيجەسىندە شالعاي ەلدى مەكەندەردە گاز قوسىلدى

686

بۇگىن شىمكەنت قالاسىنىڭ ىرگەسىندە ورنالاسقان اسار-2 ەلدى مەكەنى تۇرعىندارىنا تابيعي گاز بەرىلە باستادى. بۇل ەلدى مەكەندە قازىردىڭ وزىندە 2700 ءۇي بار. مۇندا 10 مىڭنان استام ادام ءومىر سۇرەدى. ۇزاق جىلدار بويى كومىر جاعىپ، كۇل شىعارىپ اۋرەلەنگەن تۇرعىندار ەندى كوگىلدىر وتىننىڭ يگىلىگىن كورە الادى.

- وتكەن جىلى اسار-2 ەلدى مەكەنىنە ىشكى گاز جۇيەسى جۇرگىزىلىپ، قۇبىرلار تارتىلعان بولاتىن. الايدا، شىمكەنت قالاسى بويىنشا گاز تاپشىلىعى بولىپ، قىسىمنىڭ تومەندەۋىنە بايلانىستى جاڭا ەلدى مەكەندەردى گازعا قوسا الماي كەلگەنبىز. جاقىندا قالامىزدا №3 اۆتوماتتاندىرىلعان گاز تاراتۋ ستانتسياسى ىسكە قوسىلدى. ونىڭ قۋاتتىلىعى ساعاتىنا 250 مىڭ تەكشە مەتر. بۇل ەلدەگى ەڭ ءىرى اگرس-تەردىڭ ءبىرى. وسىعان بايلانىستى شاھاردا گاز تاپشىلىعى پروبلەماسى تولىق شەشىلدى. ەندى جاڭا ەلدى مەكەندەرگە گاز بەرىلە باستادى، - دەيدى شىمكەنت قالاسى اكىمدىگى ەنەرگەتيكا باسقارماسىنىڭ باسشىسى بورانباي بولاتبەكوۆ.

بۇگىن اسار-2-دەگى 13 ۇيگە كوگىلدىر وتىن بەرىلدى. ابونەنتتەۋ جۇمىستارى «قازترانسگاز» اق-ى تاراپىنان جۇزەگە اسىرىلىپ جاتىر.

ۇيىنە گاز كىرگىزىپ، قۋانىشى قوينىنا سىيماي جۇرگەندەردىڭ ءبىرى – بايعاراەۆا تۇرسىناي. بەس بالانىڭ اناسى تابيعي گازدىڭ كەلۋى تۇرمىسىمىزدى اناعۇرلىم جەڭىلدەتەدى دەپ ەسەپتەيدى.

- قىس مەزگىلىندە ءۇيدى جىلىتۋ ءۇشىن كومىر تاسىپ اۋرە بولۋشى ەدىك. وتكەن جىلى كوشەمىزگە گاز قۇبىرى تارتىلىپ جاتقانىن كورىپ قاتتى قۋاندىق. ەندى، مىنە، كوگىلدىر وتىن ۇيىمىزگە دەيىن جەتتى، – دەيدى ول.

جاقىندا اسار-2-دەن بولەك، بادام-195 ورام، دوستىق، ازات جانە تاسساي شاعىن اۋداندارىنا دا گاز بەرىلە باستايدى. قازىر دايىندىق جۇمىستارى جۇرگىزىلىپ جاتىر. 2021 جىلى بۇل ەلدى مەكەندەردىڭ بارلىعىندا ىشكى گاز جۇيەلەرى تارتىلعان. ال، اگرس-3-ءتىڭ ىسكە قوسىلۋىمەن ولاردىڭ بارلىعىنا گاز بەرۋ مۇمكىندىگى تۋىنداپ وتىر. جالپى، جىل باسىنان بەرى 2 مىڭنان استام تۇرعىن گاز الۋ ءۇشىن تەحنيكالىق شارت جاساعان.

ءبىر ەسكەرەتىن ءجايت، مەملەكەت گاز قۇبىرىن كوشەگە دەيىن جەتكىزەدى. تۇرعىندار ونى ءوز قاراجاتى ەسەبىنەن ۇيىنە كىرگىزىپ، مونتاجداۋ جۇمىستارىن جۇرگىزۋى كەرەك. بۇگىندە بۇل قىزمەتتىڭ اقىسى شىمكەنت قالاسىندا شامامەن 80 مىڭ تەڭگەنى قۇرايدى ەكەن.

ايتا كەتەيىك، قازىرگى ۋاقىتتا قالا تۇرعىندارىنىڭ 93 پايىزى كوگىلدىر وتىنمەن قامتىلعان. بيىلعى جىلدىڭ قورىتىندىسى بويىنشا بۇل كورسەتكىشتى 94,7 پايىزعا جەتكىزۋ كوزدەلىپ وتىر.

“ادىرنا” ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket