«توميريس» كىتابىنىڭ اۆتورى ەرجان ورىمبەتوۆ Orda.kz رەداكتسياسىنا جۇگىندى. ول اۆتورلىق قۇقىقتى بۇزعانى ءۇشىن ءاليا نازارباەۆانى سوتقا بەرۋدى جوسپارلاپ وتىرعانىن، ونىڭ اكەسى نۇرسۇلتان نازارباەۆتان قوسا جاۋاپ الۋ كەرەگىن ايتتى، دەپ حابارلايدى “ادىرنا” ۇلتتىق پورتالى.
جازۋشى 2019 جىلعى «توميريس» ءفيلمىنىڭ ستسەناريى، نەگىزىنەن ونىڭ 2013 جىلعى «توميريس» كىتابىنان كوشىرىلگەنىنە سەنىمدى.
ستسەناريدى تيمۋر جاقسىلىقوۆ (ستسەناريست جانە اكتەر) مەن ءاليا نازارباەۆا جازعان. تاپسىرىس بەرۋشى – مادەنيەت جانە سپورت مينيسترلىگى. جازۋشىنىڭ ولارعا باعىتتالعان نەگىزگى تالابى بار. ورىمبەتوۆ رەجيسسەرلەر ونىڭ كىتابىنان سيۋجەتتى، ونداعان كورىنىستەر مەن ديالوگتاردى، كەيىپكەرلەردىڭ مىنەز-قۇلىق ەرەكشەلىكتەرىن، ميستيتسيزم ەلەمەنتتەرىن، ءتىپتى يدەيانىڭ ءوزىن كوشىرىپ العانىن ايتادى.
«توميريس فيلمىنە قاتىستى جاسالعان اۆتورلىق قۇقىق شاعىمدارىما بايلانىستى ماعان قىسىم كورسەتىلىپ، ءتۇرلى قوقان-لوققىلار جاسالدى. مەن ول كەزدە بىردەن سوتقا جۇگىنگەن جوقپىن، ويتكەنى مۇمكىندىگىم بولمادى، قاتتى اۋىرعان ەدىم»، - دەپ تۇسىندىرەدى ورىمبەتوۆ.
ءفيلمدى تۇسىرۋگە شامامەن 3 ميلليارد تەڭگە جۇمسالدى، دەدى ءفيلمنىڭ الدىن الا كورسەتىلىمىندە. مۇنى «قازاقفيلم» اق-نىڭ بۇرىنعى پرەزيدەنتى ارمان اسەنوۆ ايتتى. ال جالپى “توميريس” فيلمىندە ءاليا نازارباەۆا باس پروديۋسەر عانا ەمەس، تيمۋر جاقسىلىقوۆپەن بىرگە ستسەناريدىڭ تەڭ اۆتورى رەتىندە كورسەتىلگەن. ەكس-مادەنيەت جانە سپورت ءمينيسترى اقتوتى رايىمقۇلوۆتىڭ ايتۋىنشا، تاريحي دراما ءبىر ايدا كاسسادان نەبارى 480 ميلليون تەڭگە جيناعان.
«نەگىزى، «توميريس» ءفيلمىنىڭ ستسەناريىن ازىرلەۋگە كەلىسىمشارت ءاليا نازارباەۆامەن جاسالعان. سونىمەن قاتار، رەجيسسەر ساتاەۆپەن كەزدەسۋىندە ەلباسىنىڭ ءوزى «توميريس» ءفيلمىنىڭ ستسەناريىنە قاتىستى ۇسىنىستارىن ءبىلدىردى. سوندىقتان مەن ونى تالاپ ارىزعا جاۋاپتى رەتىندە تارتقىم كەلەدى. بۇل قادام قازاقستان رەسپۋبليكاسى كونستيتۋتسياسىنداعى ونىڭ مارتەبەسى تۋرالى جاڭا وزگەرىستەرگە قانشالىقتى سايكەس كەلەتىنىن انىقتاۋ قاجەت»، - دەدى ورىمبەتوۆ.
ەرجان ورىمبەتوۆتىڭ ايتۋىنشا، تەك ادىلدىككە جەتىپ، بار شىندىقتى قازاقستان حالقىنا جەتكىزگىسى كەلەدى. جازۋشىنىڭ تاعىلعان ايىپتارىنا تۇسىنىكتەمە بەرۋدى سۇراپ، ەلباسىعا ساۋال جولداعان ەدىك.
“ادىرنا” ۇلتتىق پورتالى
