شىمكەنت: «جاس داۋرەن» شاعىن اۋدانىنىڭ تۇرعىندارىمەن كەزدەستى

1692
Adyrna.kz Telegram

قالا اكىمى م.ايتەنوۆ كۇنى كەشە ەڭبەكشى اۋدانىنىڭ 2-ءشى سەكتورىنا قاراستى شاعىن اۋدانداردىڭ تۇرعىندارىمەن كەزدەسكەن بولاتىن. اتالعان كەزدەسۋدە كوتەرىلگەن ماسەلەلەردى شەشۋ ماقساتىندا، بۇگىن ەڭبەكشى اۋدانى اكىمى اپپاراتىنىڭ ۇيىمداستىرۋىمەن قۇزىرلى باسقارمالاردىڭ جاۋاپتى ماماندارى "جاس داۋرەن" شاعىن اۋدانىنىڭ تۇرعىندارىمەن كەزدەستى.

اتاپ ايتساق، شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ، سونىمەن قاتار، قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ، اۋدان اكىمشىلىگىنىڭ ماماندارى تۇرعىندارمەن بىرگە تەمىر جول وتكەلى جانە جاستار كوشەلەرىن ارالاپ، جولداردى جوندەۋ، كوشەلەردى جارىقتاندىرۋ جانە ۇيلەردىڭ مەكەنجاي نومىرلەرىن رەتتەۋ ماسەلەلەرىنىڭ شەشىلۋ جولدارىن قاراستىردى. اعىمداعى جىلى جاستار كوشەسى جانە تەمىر جول وتكەلى اسفالتتالدى.

تەمىر جول وتكەلىنىڭ مەكتەپكە باراتىن جولىن جارىقتاندىرۋ جوسپاردا بار. تەمىر جول وتكەلىنىڭ قالعان ىشكى ورام كوشەلەرى 2023 جىلى اسفالتتالاتىن بولادى.

پىكىرلەر