بىلتىر پايدالانۋعا بەرىلگەن پرەزيدەنت پاركىندەگى جاساندى كولدە قر ترياتلوننان اشىق كۋبوگى ءوتتى.
تۇركىستان وبلىسى اكىمدىگىنىڭ قولداۋىمەن، قازاقستان ترياتلون فەدەراتسياسىنىڭ ۇيىمداستىرۋىمەن وتكەن جارىس ەكى كۇنگە سوزىلدى.
پرەزيدەنت ساياباعىنداعى جاساندى كولدە ترياتلوننىڭ سپرينت تۇرىنەن 750 م قاشىقتىققا جۇزگەن سپورتشىلار ب.ساتتارحانوۆ داڭعىلىمەن ۆەلوسيپەدپەن 20 شق ءجۇرىپ ءوتتى. ارى قاراي "وتىرار" شاعىن اۋدانى اۋماعىندا 5 شق جۇگىرۋ نورماسىن ورىندادى.
اتاپ وتەيىك، 38 گا اۋماقتى الىپ جاتقان پرەزيدەنت پاركىندە قازىرگى تاڭدا ءتۇرلى قىلقانجاپىراقتى اعاش تۇرلەرى وتىرعىزىلىپ، گازون توسەلگەن. 7 بالالار وينايتىن الاڭشا مەن ورىندىقتار، بۇتالار مەن گۇلدەر ەگىلگەن. ساياباق ورتاسىندا ورنالاسقان جاساندى كولدە ءتۇرلى سۋ سپورتى جارىستارىن وتكىزۋگە بولادى.
