شەشەنستان باسشىسى رامزان قادىروۆ 3 اقپان كۇنى ءپۋتيننىڭ ساپارى كەزىندە ۋكراينانىڭ جوعارعى باسشىلىعىن جويۋ جوسپارىن الدى. بۇل تۋرالى نۆ راديوسىنىڭ ەفيرىندە ۋكراينا ۇلتتىق قاۋىپسىزدىك جانە قورعانىس كەڭەسىنىڭ حاتشىسى الەكسەي دانيلوۆ ايتتى، دەپ حابارلايدى “ادىرنا” ۇلتتىق پورتالى
ونىڭ ايتۋىنشا، بۇل كەزدەسۋدە ۋكراينا پرەزيدەنتىن جويۋ جوسپارى كەلىسىلىپ، قادىروۆ ونى ءوز توبى ورىندايدى دەپ وزىنە مىندەتتەمە العان.
ۋكراينانىڭ بارلاۋ قىزمەتى بۇل پروتسەستەردى باقىلاپ وتىردى. دانيلوۆ 26 اقپاندا ۋكراينا اۋماعىنا ەنگەن ءۇش توپتىڭ بولعانىن ايتتى. ول 24 اقپان ەمەس ەكەنىن، ويتكەنى ەلوردانىڭ ورتالىق كۆارتالىنا «جاسىل ءدالىز» بەرىلۋىن ەكى كۇننەن بەرى كۇتىپ جۇرگەندەرىن ءتۇسىندىردى.
«ءبىز وسى ءۇش توپتى دا قاداعالادىق. ونىڭ ءبىرىن ءبىزدىڭ ساربازدار جويدى. سودان ەكەۋى ءبىزدىڭ ەلىمىزدىڭ اۋماعىن تاستاپ كەتكەن. بىرەۋى بۇگىن دونەتسك وبلىسىنىڭ اۋماعىندا، ەكىنشىسى ماريۋپول قالاسىنىڭ اۋماعىندا، بىراق، ولار الدىڭعى قاتاردا ەمەس، مۇلدەم قاۋىپسىز ءۇشىنشى نەمەسە ءتورتىنشى ەشەلوندا»، – دەدى دانيلوۆ.
”ادىرنا” ۇلتتىق پورتالى
