ۆلاديمير پۋتين رەسەي فەدەراتسياسىنىڭ قورعانىس ءمينيسترى سەرگەي شويگۋمەن جۇمىس كەزدەسۋىن وتكىزدى، دەپ حابارلايدى “ادىرنا” ۇلتتىق پورتالى.
سەرگەي شويگۋ ءمان-جايدى رەتىمەن ءتۇسىندىرىپ، شەشىلۋ كەرەك ماسەلەلەردى اتاپ، قازىرگى قالىپتىڭ تىنىش ەكەنىن مالىمدەدى.
“قازىرگى ۋاقىتتا قالاداعى جاعداي تىنىش، بۇل ءتارتىپتى قالپىنا كەلتىرۋگە، حالىقتى قايتارۋعا، بەيبىت ءومىردى ورناتۋعا مۇمكىندىك بەرەدى.
ۆلاديمير پۋتين: مەن يندۋستريالىق ايماقتى باسىپ الۋدى ورىنسىز دەپ سانايمىن.
باس تارتۋدى بۇيىرامىن.
سەرگەي شويگۋ: قۇپ بولادى.
ۆلاديمير پۋتين: ءبىز بۇل جاعدايدا ساربازدارىمىز بەن وفيتسەرلەرىمىزدىڭ ءومىرى مەن دەنساۋلىعىن ساقتاۋ تۋرالى كوبىرەك ويلاۋىمىز كەرەك. كاتاكومبالارعا كوتەرىلىپ، ونەركاسىپتىك نىسانداردىڭ بويىمەن جەر استىندا ءجۇرۋدىڭ قاجەتى جوق.
شىبىن ۇشىپ كەتپەستەي ەتىپ، بۇل ونەركاسىپتىك ايماقتى جاۋىپ تاستاڭدار.
سەرگەي شويگۋ: قۇپ بولادى.
ۆلاديمير پۋتين: قارۋىن تاستاماعانداردىڭ بارىنە تاعى ءبىر رەت ەسكەرتىڭىز. رەسەي تاراپى ءتيىستى حالىقارالىق قۇقىقتىق اكتىلەرگە سايكەس ولاردىڭ ءومىرى مەن لايىقتى قارىم-قاتىناسىنا كەپىلدىك بەرەدى.
زارداپ شەككەندەردىڭ بارلىعىنا بىلىكتى مەديتسينالىق كومەك كورسەتىلەدى.
ءماريۋپولدى ازات ەتۋ بويىنشا جاۋىنگەرلىك جۇمىستاردىڭ اياقتالۋى ءساتتى بولدى. ءسىزدى قۇتتىقتايمىن. اسكەرلەرگە العىس ايتىڭىز. ايبىندى جاۋىنگەرلەرىمىزدى مەملەكەتتىك ناگرادالارمەن ماراپاتتاۋ تۋرالى ۇسىنىستاردى جىبەرىڭىزدەر.
مۇنداي جاعدايلاردا باسقاشا بولۋى مۇمكىن ەمەس ەكەنى انىق، بىراق: ولار ناعىز باتىرلار.
وسىعان وراي، اسكەري قىزمەتشىلەرىمىزدىڭ، اسىرەسە زارداپ شەككەندەردىڭ، قازا تاپقان جولداستارىمىزدىڭ وتباسىلارىنىڭ الدىنداعى بارلىق الەۋمەتتىك مىندەتتەمەلەردى ورىنداۋمەن قاتار، الەۋمەتتىك كەپىلدىكتەردىڭ ءسوزسىز جۇزەگە اسۋىن قامتاماسىز ەتۋ قاجەت.
بىراق ماعان بۇل دا جەتكىلىكسىز سياقتى. ءبىز قوسىمشا قولداۋ شارالارى قابىلداۋىمىز قاجەت، ال كەيبىر جاعدايلاردا دونباسستا حالقىمىزدىڭ بەيبىت ءومىرى مەن تىرشىلىگىن قامتاماسىز ەتۋ ءۇشىن، شىن مانىندە ەرلىك كورسەتىپ، ءوز ءومىرىن قۇربان ەتكەن جولداستارىمىزدىڭ ەسىمىن ماڭگىگە قالدىرىپ، ۇمىتپاۋىمىز كەرەك”- دەدى ول.
“ادىرنا” ۇلتتىق پورتالى
