بۇگىن وبلىس اكىمى نۇرلىبەك نالىباەۆ قازاقستاننىڭ ەڭبەك ەرى ابزال ەراليەۆپەن جانە بىرقاتار زيالى قاۋىم وكىلدەرىمەن بىرگە ەگىس القابىندا العاشقى ءدان سەبۋ شاراسىنا قاتىستى.
شيەلى اۋدانىنداعى "اقمايا" شارۋاشىلىعىنىڭ ەگىس القابىندا وتكەن جيىن «دالا كۇنى» سەمينار-كەڭەسىمەن جالعاستى.
ايماق باسشىسى ەل قامباسىنىڭ استىققا تولۋىن، مول ءونىم الۋدى تىلەپ، شارۋا ازاماتتارىنىڭ ەڭبەگى ناتيجەلى بولۋىن تىلەدى.
«دالا كۇنى» سەمينار-كەڭەسى بارىسىندا اۋىلشارۋاشىلىعى سالاسىنداعى وزەكتى ماسەلەلەر ءسوز بولىپ، شارۋا قوجالىق يەلەرى ورتاق ماسەلەلەردى تالقىلادى. بىرقاتار باسقارما باسشىلارى مەن اۋدان اكىمدەرى ەگىن ەگۋ باعىتىندا بايانداما جاساپ، الداعى ىسكە اساتىن جوسپارلارىن تىزبەكتەدى.
بيىلعى جىلى وڭىردە 185,6 مىڭ گەكتارعا اۋىل شارۋاشىلىعى داقىلدارىن ورنالاستىرۋ مەجەلەنگەن. ونىڭ ىشىندە ءداندi داقىلدار 90,8 مىڭ گەكتاردى، مايلى داقىلدار 5,3 مىڭ گەكتاردى، مال ازىقتىق داقىلدار 70,0 مىڭ گەكتاردى، كارتوپ، كوكونiس، باقشا 19,4 مىڭ گەكتاردى قۇرايدى.
نەگىزگى داقىل - كۇرىش ەگۋ مەن ونى سۋعا باستىرۋ جۇمىستارى اۋا رايى جاعدايىنا بايلانىستى وبلىس شارۋاشىلىقتارىندا ءىشىنارا باستالسا، بۇگىننەن باستاپ جاپپاي كىرىسكەلى وتىر. كۇرىش ەگۋ جانە سۋعا باستىرۋ جۇمىستارىن مامىر ايىنىڭ 30 دەيىن ءبىتىرۋ جوسپارلانىپ وتىر. ال، كارتوپ، كوكونىس، باقشا، جۇگەرى جانە تاعىدا باسقا داقىلداردى ەگۋدى وڭتايلى مەرزىمدەرىن ساقتاي وتىرىپ، مامىر ايىنىڭ ءۇشىنشى ونكۇندىگى مەن ماۋسىم ايىنىڭ ءبىرىنشى ونكۇندىكتەرىندە اياقتالاتىن بولادى.
ايماق باسشىسى سىر مارجانىنىڭ كولەمىن مەيىلىنشە قىسقارتپاي، ەگىن ناۋقانىنا قاتىستى ناقتى مىندەتتەردى جۇكتەدى.
- ايماعىمىز بىردەن-ءبىر كۇرىشكە بەيىمدەلگەن، حالقى وسى كاسىپكە ماماندانعان ەل، ونىڭ ۇستىنە كۇرىش ەگىلمەسە توپىراق تۇزدانىپ، ينجەنەرلىك جەرلەردەن ايىرىلىپ قالامىز، سوندىقتان مەيلىنشە كۇرىشتى قىسقارتپاۋعا تىرىسامىز. سىر ديحاندارىنا اتا كاسىبىن جالعاستىرۋعا مۇمكىندىك جاساپ، ازىق-تۇلىك ءوندىرۋ كولەمىن ارتتىرۋ باستى باعىتىمىز بولماق.
بيىل اۋىلشارۋاشىلىق داقىلدارىنىڭ كولەمىن وڭتايلى مەرزىمىندە ەگىلۋىن، كوكتەمگى دالا جۇمىستارىن قارجىلاندىرۋدى ۇيىمداستىرىپ، قاجەتتى تۇقىم، مينەرالدى تىڭايتقىشتار، جانار-جاعارماي جانە قوسالقى بولشەكتەرمەن قامتاماسىز ەتىلۋىن قاداعالاۋ قاجەت. سەبىلەتىن كۇرىش تۇقىمىنىڭ ساپاسىن انىقتاۋ ءۇشىن زەرتحانالىق زەرتتەۋدەن تولىق وتكىزۋدى قامتاماسىز ەتىپ، ەگىسكە سۋ الۋدى كەلىسىلگەن كەستەگە سايكەس ۇيىمداستىرۋدى تاپسىرامىن، -, دەدى نۇرلىبەك نالىباەۆ.
مۇنىمەن قوسا، وبلىس اكىمى سۋ جولدارىنىڭ، سۋ ناسوستارى مەن گيدروتەحنيكالىق قۇرىلىستاردىڭ، سۋ بەكەتتەرىنىڭ تولىق دايىندىعىن جانە ۆەگەتاتسيالىق كەزەڭدە كەستەگە ساي سۋ مولشەرىمەن قامتاماسىز ەتۋدى ۇيىمداستىرۋدى، ەگىسكە قاجەتتى سۋدىڭ بەلگىلەنگەن ليميتكە سايكەس الىنۋىن تاپسىردى.
